LONYO MA NWANG’ERE I LEMBE PA MUNGU

Ng’ii jadhogi mi gamiri ku rieko

Suleman utimo lembkasegu m’egamu ko mon ma woro mungu m’araga (1Ub 11:1, 2; w18.07 mba. 18 udu. 7)

Nok nok mon pa Suleman uloko adundene cen kud i kum Yehova (1Ub 11:3-6; w19.01 mba. 15 udu. 6)

Ng’eicwiny unego Yehova i kum Suleman (1Ub 11:9, 10; w18.07 mba. 19 udu. 9)

Cal: Nyamego moko ma jamusuma ubetimo ponji pare ma segi mi Biblia man ebeparu pir umego moko ma jamusuma. 1. Umegone ubedwoko wang’ penji i coko. 2. Eberweyo lembanyong’a kaka ma dhanu bepong’ i iye. 3. Ebekonyo tic mi ketho leng’o i Otker.

Lembe pa Mungu ung’olo ni Jukristu ma jumusuma nia gigamiri “kende kende i Rwoth.” (1Ko 7:39) Re, tie ngo nia ng’atini ulimo batizo ci dong’ eca copo ketho ebedo nico kunoke dhaku ma ber. Nyo ng’atune bikonyi nimediri nitimo ni Yehova ku ng’eyong’ec peri ceke? Nyo saa moko edaru nyutho de mer ma thuc ni Yehova i kwo pare? I wang’ niyiyo nia wugemuru ku ng’atu moko, kelar inwang’ saa m’ing’eye ko cuu mandha.