Wabed asu ku genogen kadok wabeciro canpiny

Peko tie dupa i kwo mi kajik ceng’ maeni. Calu wadhingo ajiki mi ng’om ma rac maeni, peko bimedere pare ameda kwa. Pieno, waromo nwang’ara ku canpiny moko ma watiye ku yenyne. (Eb 3:16-18) Dong’ ang’o ma bikonyowa ninyego ku canpinyne? Wacikara niketho genogen mwa iwi Yehova Mungu. Eng’olo nia ebipong’o yeny mi jurutic pare, man ebitimo kumeno i lembe moko ci ma wabenwang’ara i iye.​—Zb 37:18, 19; Eb 13:5, 6.

Gin m’iromo timo:

• Kway Yehova utel wii, emii iri rieko, man ekonyi.​—Zb 62:8

• Bed ayika niyiyo tic ma jumiyo iri kadok nwang’u etie kit tic ma fodi itimo ngo niai con de.​—g-F 1/10 mba. 8, 9, sanduku

• Mediri nibedo ku ng’iyo ma ber i thenge mi tipo, niwacu nisomo lembe pa Mungu ku bang’ ceng’, nicidho i coko ceke, man nidikiri i tic mi rweyo lembanyong’a

NEN VIDEO MA THIWIYE TIE GIER OT MA BICUNGO MA TEK PI NJA​—FOY ‘KU GIN M’IBEDO KO,’ MAN I NG’EYE DWOK WANG’ PENJI M’ULUBO E:

• Peko ma tung’ tung’ ma kani ma juruot moko ginwang’iri ko?

• Ang’o ma pire tek nisagu i kwo?

• Waromo timo ang’o pi nikonyo ju ma canpiny ubenego?