KWO MI JUKRISTU
Yeny paru pa Mungu
Wabemito wanyay mutoro i Yehova i gin ceke ma watimo. (Rie 27:11) Pi nitimo kumeno, ukwayu wamak yub m’urombo ku paru pare kadok nang’ cik moko mbe ma tap mi Biblia ma romo telo wiwa. Dong ang’o ma romo konyowa nitimo lembuno?
Bed ku ng’iyo mi somo Biblia nja ku bang’ ceng’. Saa ceke ma ka wabesomo Biblia, eno tie ve wabedo karacelo ku Yehova. Wacopo ng’eyo ayi ma Yehova paru ko lembe nikadhu kud i kite m’ebed etiyo ko ku dhanu pare ma con man nwang’u wabeng’iyo i lapor mi dhanu ma gitimo gin ma ber kunoke ma rac i wang’e. Ka watie ku yeny mi maku yub moko, tipo ma leng’ romo poyo wiwa i kum ponji ma pigi tek man cik mir ukungu ma wanwang’u i Lembe pa Mungu.—Yh 14:26.
Tim sayusac. Kan itie ku yeny mi maku yub moko, penjiri kumae: ‘Verse ma kani kunoke kpawa ma kani mi Biblia ma romo konya ning’eyo kite ma Yehova neno ko lembe maeni?’ Rwo pi nikwayu kony i bang’ Yehova, man tii ku jamtic mwa mi timo sayusac m’udaru wok i dhok peri pi ninwang’u cik mir ukungu mi Biblia ma romo konyi i lembe perine.—Zb 25:4.
NEN VIDEO MA THIWIYE TIE WACIKARA NIRINGO KU CIROCIR—CAM CAM MA GIERO KUMJO, MAN I NG’EYE DWOK WANG’ PENJI M’ULUBO E:
Judhuro mac i kum nyamego m’aradu maeno nia etim ang’o?
Nitimo sayusac i girasoma mwa romo konyi nenedi ninyego ku peko ma kumeno?
Ka wabed wanwang’u saa mi timo sayusac man mi miyiri nitimo ponji mwa ma segi; wabinwang’u bero ma kani?—Eb 5:13, 14