Lembe moko m’utimere

Nyuth kisa ni kwond dhanu ceke

Ceng’ acel, nyamego moko mi ng’om mi Nouvelle-Zélande uneno video ma thiwiye tie, “Wakonyura i kindwa” (Soucions-nous les uns des autres) m’unyutho nia kisa nego Yehova anega kende ngo, ento bende nia enyuthe ku timo. (Isa. 63:7-9) Pieno pi nitiyo ku ponji m’enwang’une, ekeco nia mito etim lembe moko pi nikonyo jumange. I nindo ma rom eca, kinde m’ecidho ng’iewo cam, ewok enwang’u mego moko m’ukoso kabedo man ekwayu megone ka nyo ecopo ng’iewo ire cam. E eyiyo. Saa ma nyamegone udwogo ku camne, emiyo lembatuca m’adundo ku trakt ma thiwiye tie Nyo Masendi Bithum Nindo Moko Dee?

Megone caku wak. Ekoro nia junyodo pare gibino Jumulembe pa Yehova man giponje ku lemandha, ento etimo ngo mediri. Emedo nia i kind nindo m’ukadhu ceng’ini, ebino rwo i bang’ Yehova ukonye edok i bang’e. Nyamegone umiyo ire Biblia man gipangu program mi ponji mi Biblia.a

Calu Yehova, wacopo nyutho kisa ni jumange, uketho i iye wedi mwa man umego ku nyimego mwa mi cokiri. Man wacopo nyuthe nwang’u wabesayu kaka mi miyo lembatuca ni jumange.