Pirang’o Jumulembe pa Yehova gibed giwotho ot kubang’ ot?

Yesu ugam uyero ni julub pare nia ‘giketh [dhanu m’i kind] thek ceke dok julub.’ (Matayo 28:19, 20) Kinde m’eoro julub pare ma kwong’a, eyero igi nia gicidh i bang’ dhanu i pacu migi. (Matayo 10:7, 11-13) I ng’ei tho pa Yesu, Jukristu mi rundi ma kwong’a gimediri nimewo lembkwenda ‘[kamaleng’], man ot kubang’ ot.’ (Tic mi Jukwenda 5:42; 20:20) Wabelubo lapor mi Jukristu maeno mi rundi ma kwong’a, kum wanwang’u nia rweyo lembanyong’a ot kubang’ ot tie yo ma ber mi nwang’u dhanu.