Nyo Jumulembe pa Yehova gitie jang dini moko mir Amerika?

Kabedo mwa ma dit re nwang’ere andha i États-Unis, i Amerika. Ento watie ngo jang dini moko mir Amerika pi thelembe ma e:

• Dhanu ung’eyo nia jang dini utie ungu m’uwok kud i dini moko. Ento Jumulembe pa Yehova giwok ungo kud i ungu mi dini mange. I andha, watimo kero nicaku lubo lembe ma Jukristu mi rundi ma kwong’a gibed gitimo.

• Jumulembe pa Yehova giberweyo lembanyong’a i ng’om ma kadhu 230. Kadok nwang’u wabekwo i ng’om ma kani de, wagwoko bedoleng’ mwa ni Yehova man ni Yesu, ento wadiko ngo cingwa ku bimobim mir Amerika kunoke ku bimobim mange mi dhanu.​—Yohana 15:19; 17:15, 16.

• Ponji mwa ceke ujengere iwi Biblia ento ungo iwi paru ma jadit mi dini moko mir États-Unis ukiewo en.​—1 Jutesaloniki 2:13.

• Watie julub pa Yesu Kristu, ento ungo pa jatelwic moko ma tie dhanu.​—Matayo 23:8-10.