Nyo Jumulembe pa Yehova gibed giyiyo juthiedhgi de?

Eyo, Jumulembe pa Yehova gimaku yath man gibed giyiyo nia juthiedhgi. Kinde ma ka wabedieng’ pi yot kum mwa, saa moko waromo bedo ku “yeny pa munganga” kara wagwok leng’ kum mwane. (Luka 5:31) Ku lemandha, calu Luka m’ubino Jakristu mi rundi ma kwong’a, tin Jumulembe pa Yehova moko de utie ba munganga.​—Jukolosai 4:14.

Thieth moko ukoc ku cik mir ukungu mi Biblia, pieno wakwerogi cen. Ku lapor, wayiyo ngo nia jucik rimo i kumwa pilembe Biblia ukwero nitiyo ku rimo pi nithiendho kumjo. (Tic mi Jukwenda 15:20) Rom rom kumeno, Biblia ukwero nitiyo ku yore moko ci mi weco ku tipo kadok pi nithiedhiri de.​—Jugalatia 5:19-21.

Kadok kumeno, thieth ma pol ujai ungo ku cik mir ukungu mi Biblia. Pieno, ubemito ng’atuman ung’ii en gire kit thieth m’emaru. Jamulembe moko copo ng’iyo niyiyo yath kunoke ayi thieth moko, ma nwang’u m’ucelo ke ukwero kit thieth ma rom nica.​—Jugalatia 6:5.