Nyo Jumulembe pa Yehova ma jumamon de girweyo lembanyong’a?

Eyo. Jumulembe pa Yehova ceke gitiye jurwey kunoke juponji, eno ke uketho i iye milioni dupa mi jumamon. Calu ma Biblia ular uewo, “mon m’urweyo rwonglembe gin udul ma dit.”​—Zaburi 68:11.

Jumamon ma gitiye Jumulembe pa Yehova gibelubo lapor ma jumamon ma juweco pigi i Biblia uweko. (Lembrieko 31:10-31) Kadok gitiye ngo jutela i cokiri de, re gidikiri i tic mi rweyo lembanyong’a ni dhanu ceke. Bende, giponjo awiya migi ku cik mir ukungu mi Biblia. (Lembrieko 1:8) Jumamon ma gitiye Jumulembe gitimo tego lee pi nibedo juponji mi lembe ma ber, nikadhu kud i wec man timo migi.​—Tito 2:3-5.