Nyo Jumulembe pa Yehova gitimo tic mi Jumisioneri?

Eyo. Kaka moko ci ma wabekwo i iye, wa Jumulembe pa Yehova ceke waii nibedo ku nen ma cuu mi jumisioner pi niweco wang’ ma pol ku dhanu mange pi yiyoyic mwa.​—Matayo 28:19, 20.

M’umedo maeno, Jumulembe moko gicidho kunoke gidok i kabedo mange mi ng’om migi kaka ma dhanu utie ku yeny m’iwinjo lembanyong’a mi Biblia. Jumulembe mange ke gidok i ng’om mange kara gimed tic migi mi rweyo lembanyong’a. Gitiye kud anyong’a nidikiri i ticne pi nipong’o lembila ma e ma Yesu uewo: “Wubibedo jumulembe para . . . i theng ng’om ma bor m’usagu.”​—Tic mi Jukwenda 1:8.

I oro 1943, wacaku the somo moko ma bemiyo ponji ma segi ni jumisioner mwa moko. Niai i oro maeno, Jumulembe ma kadhu 8 000 gicidho i somone, m’ung’eyere ku nyinge ma Somo mi Gilead mi Watchtower.