Nyo Jumulembe pa Yehova gikwero film, buku, kunoke wer moko?

Ungo. Dilo mwa ukpero ngo nying’ film, buku, kunoke wer ma ng’atuman acel acel ucikere nitiyo ko kunoke niuro. Pirang’o?

Biblia ubemiyo amora i kum ng’atuman nia etii ku ‘copo pare mi ng’iyo i lembe’ pi ning’iyo gin ma ber ku gin ma rac.​—Juebrania 5:14.

Lembagora utie ku cik mir ukungu ma Jakristu ucikere nilar neno iye cuu i wang’ ning’iyo galuwang’ moko.a I gin moko ci ma watimo i kwo mwa, lembakeca mwa utie nimedara “ning’iyo gin ma nyayu mutoro i Rwoth.”​—Juefeso 5:10.

Biblia uponjo nia juwiot gitie ku dito i kadhiri moko i udi migi. Pieno, gicopo kwero ni dhanu m’ubekwo i udi migi nia kud ginen kit galuwang’ moko. (1 Jukorintho 11:3; Juefeso 6:1-4) Ento m’uweko i ot, ng’atu moko acel de mbe m’utie ku twero mi kwero film, wer, kunoke jarawer moko ni Jumulembe.​—Jugalatia 6:5.