PONJI MI 27
Tho pa Yesu copo bodhowa—nenedi?
Tin ka wabedubo, wabesendara, man wabetho, etie pilembe kwaruwa ma kwong’a, Adamu giku Eva, gituro cik pa Mungu.a Ento lembe mwa unyothere ngo magwei, genogen unuti. Yehova uoro Wode ma Yesu Kristu ubin utho piwa i ng’om keni kara nikume, wabodh kwo mwa kud i dubo man tho. Biblia uponjo nia nikadhu kud i tho pare, Yesu uculo jamgony i wiwa. Jamgony tie gin ma jumiyo kunoke juculo pi nigonyo piny moko kunoke ng’atini. Gin ma Yesu umiyo pi nigonyowa ubino kwo pare ma leng’, niwacu m’umbe ku dubo. (Som Matayo 20:28.) Calu ebino ng’atu m’umbe ku dubo, ebino ku twero ma nwang’u eromo kwo ko rondo ku rondo kadok i ng’om keni. Re Yesu umiyere pi nitho, uketho eyabu iwa yo ma waromo donwang’u ko kendo gin ceke m’Adamu giku Eva gibayu. Nikadhu kud i tho pare, Yesu unyutho bende kamaleng’ nia giku Won ma Yehova gimaruwa lee mandha. Ponji maeni bikonyowa kara wanyuth foyofoc lee mandha pi tho pa Yesu.
1. Tho pa Yesu utie ku bero ma kani iwa tin eni?
Calu watie judubo, wabed watimo lembe dupa dit ma foyo ngo i Yehova. Ento ka waloko cwinywa cuu mandha, wakwayu Yehova ku nying’ Yesu nia etim iwa kisa, man watimo kero mwa ceke pi nidok ungo kendo iwi kosa mwa, Yehova biweko iwa man wabidoko jurimbe ma ceng’ini. (1 Yohana 2:1) Biblia uwacu kumae: “Kristu utho wang’ acel pi nja pi dubo, won bedopwe utho pi dhanu ma gi weg bedopwe ngo kara eterwu i bang’ Mungu.”—1 Pethro 3:18.
2. Tho pa Yesu bikelo iwa bero ma kani i nindo m’ubino?
Yehova uoro Yesu ubin uthier kwo pare ma leng’ “kara kubang’ dhanu ceke ma tek ubenyutho yiyoyic i [Yesu] kud unyothere, ento enwang’ kwo ma rondo ku rondo.” (Yohana 3:16) Nikum lembe ma Yesu utimo eno, ceng’ini eni Yehova bidaru lembe ceke ma reco ma dubo p’Adamu unyayu. Pieno, ka wabenyutho yiyoyic i lam ma Yesu uthiero, wabibedo ku genogen mi kwo kud anyong’a man rondo ku rondo i ng’om ma bidoko ni paradizo!—Isaya 65:21-23.
MED NYANG’ PERI
Wakenen lembe mange m’unyutho nia pirang’o Yesu uthiero kwo pare, man bero m’icopo nwang’u nikum lembe m’etimone.
3. Tho pa Yesu ugonyowa kud i dubo man tho
Nen VIDEO, man wuwec iwi penji m’ulubo e:
Adamu ubayu ang’o kinde m’eturo cik pa Mungu?
Som Jurumi 5:12, man i ng’eye wuwec iwi penji m’ulubo e:
Dubo m’Adamu utimo unyayu lembang’o ma rac i kumwa?
Som Yohana 3:16, man i ng’eye wuwec iwi penji m’ulubo e:
Pirang’o Yehova uoro Wode i ng’om keni?
Adamu ukeubino dhanu m’umbe ku dubo. Re cik pa Mungu m’eturo uketho eroyere man eroyo dhanu ceke i dubo man i tho
Yesu ubino dhanu m’umbe ku dubo man eturo de ngo cik pa Mungu. Pieno, emiyo ni dhanu ceke genogen mi doko leng’ man mi nwang’u kwo ma rondo ku rondo
4. Dhanu ceke copo nwang’u bero nikum tho pa Yesu
Nen VIDEO, man i ng’eye wuwec iwi penji m’ulubo e:
Ecopere nenedi nia dhanu ceke unwang’ bero nikum tho pa ng’atu acel kende?
Som 1 Timoteo 2:5, 6, man i ng’eye wuwec iwi penji m’ulubo e:
Adamu ubino ng’atu ma leng’, niwacu m’umbe ku dubo. Ento kinde m’edubo ci, eroyo dhanu ceke i dubo man i tho. Yesu bende ubino dhanu ma leng’. Pirang’o Biblia yero nia emiyo “jamgony m’uromo” kunoke ma romi?
5. Jamgony utie giramiya pa Yehova piri
Ng’atuman ma tie jarimb Yehova ucikere nineno jamgony ni giramiya ma Yehova umiyo athothi pire en. Ku lapor, Som Jugalatia 2:20, man i ng’eye wuwec iwi penji m’ulubo e:
Ang’o m’unyutho nia jakwenda Paulo uneno jamgony ni giramiya ma Mungu miyo athothi pire?
Kinde m’Adamu udubo, eroyere man eroyo nyikwaye ceke i tho. Ento Yehova uoro Wode ubin utho kara ibed ku genogen mi nwang’u kwo ma rondo ku rondo.
Kinde m’ibesomo verse ma e, kepim niparu kite ma Yehova uwinjere ko saa ma Wode ubesendere. Som Yohana 19:1-7, 16-18, man i ng’eye wuwec iwi penji m’ulubo e:
Ibewinjiri nenedi pi lembe ma Yehova giku Yesu gitimo iri?
NG’ATU MOKO ROMO PENJI KUMAE: “Tho pa ng’atu acel kende romo bodho dhanu zoo nenedi?“
Icopo dwoko nenedi?
I ADUNDO
Nikum tho pa Yesu, Yehova copo weko dubo mwa, man wacopo kwo rondo ku rondo.
Penji mi poyowic
Pirang’o Yesu utho?
Pirang’o Biblia uyero nia nikum tho pare, Yesu umiyo jamgony ma romi?
Bero ma kani m’iromo nwang’u nikum tho pa Yesu?
TIM SAYUSAC
Nen thelembe m’uketho Biblia ulwong’o kwo ma leng’ ma Yesu uthiero nia jamgony.
“Lam ma Yesu uthiero ubino “jamgony pi dhanu dupa” nenedi?” (Thiwiwec mi jw.org)
Nen lembe ma wacikara nitimo kara wabothi.
Nyo Yehova copo weko kadok dubo ma peki?
“Dwokowang’ penji mi Biblia” (Otkur ma Wiw, nindo 1, dwi mir 5, 2013)
Ninyang’ nia Kristu uthiero kwo pare piwa, ukonyo jalwo moko niloko kit kwo pare.
«Je ne suis plus esclave de la violence» (Thiwiwec mi jw.org)
a Dubo tie ngo kende kende nitimo lembe ma rac. Enyutho bende hali kunoke kwo ma leng’ ungo ma walagu i bang’ Adamu giku Eva man ma becwaluwa kwa nitimo lembe ma rac.