CAKU THE WEC
PONJI MIR 6
Tegocwiny
Cik mir ukungu: “Mungu mwa umiyo iwa tegocwiny kara warwey iwu lembanyong’a.”—1 Thes. 2:2.
Gin ma Yesu utimo
1. Nen VIDEO, kunoke som Luka 19:1-7. I ng’eye dwok wang’ penji m’ulubo:
Copere nia pirang’o dhanu moko ubed uuro Zakayo?
Re ang’o m’ucwalu Yesu nirweyo ire lembanyong’a?
Ponji ma wacopo nwang’u
2. Watie ku yeny mi tegocwiny kara warwey rwonglembe mi Ker m’umbe akoyakoya.
Lub lapor pa Yesu
3. Jengiri iwi Yehova. Tipo ma leng’ pa Mungu umiyo tego mi rweyo lembanyong’a ni Yesu; ecopo miyo tego iri bende. (Mat. 10:19, 20; Luka 4:18) Dong’ kway Yehova umii iri tegocwiny m’irwey ko ni dhanu ceke m’ubeyenyo nyayu lworo i ii.—Tic. 4:29.
4. Kud ipok lembe iwi dhanu. Wacopo bedo ku jiji mi weco i bang’ dhanu moko nikum kite ma gibenen ko, nikum dito ma gitie ko, jamcing’gi, kit kwo migi kunoke nikum yiyoyic migi. Ento poy nia:
Yehova giku Yesu gicopo neno lembe ma n’i adunde dhanu, wan re wambe ku copone.
Yehova utie ayika nikonyo ng’atu moko ci.
5. Nyuth tegocwiny man bed ku weng’i. (Mat. 10:16) Kud ilok dhogi ku dhanu. Ka ng’atini umbe kud ava mi winjo lembanyong’a kunoke kan inwang’u nia in i ariti, jig wec ku yoo.—Rie. 17:14.