LIEW
PONJI MIR 7
Mediri nikonyo dhanu
Cik mir ukungu: “Gimediri niponjo man nirweyo lembanyong’a . . . m’umbe niweko.”—Tic. 5:42.
Gin ma Paulo utimo
1. Nen VIDEO, kunoke som Tic mi Jukwenda 19:8-10. I ng’eye dwok wang’ penji m’ulubo:
Wang’eyo nenedi nia Paulo umedere asu nirweyo lembanyong’a kadok jai ubino nuti de?
Paulo udok wang’ adi pi niponjo ju m’unyutho nen ma ber, man etimo kumeno pi kare ma rukani?
Ponji ma wacopo nwang’u
2. Ukwayu nikoyo saa man nitimo kero ma lee pi nitimo liew ma kelo adwogi ma cuu man nicaku ponji mi Biblia.
Lub lapor pa Paulo
3. Keth program peri uromb ku pa jawinj peri. Penjiri kumae: ‘Abidwogo i bang’e tap awene? Abiwok nwang’e ke kakani man saa adi?’ Bed ayika nidok liewe, kadok nwang’u saa m’emiyo ubenyeng’i ngo de.
4. Keth macikara. I ajiki mi wecman, wuii nimoko saa ma tap ma wubirombo kendo i iye. Tim kero iwor macikara m’iketho.
5. Kud ibay genogen. Kud ipar nia pilembe wang’ ma pol inwang’u ngo ng’atini i pacu kunoke inwang’u etie ku tic ci, nia ebenyutho ngo nen ma ber. (1 Kor. 13:4, 7) Mediri nidok i bang’e, re tii bende ku saa peri ku rieko.—1 Kor. 9:26.