Kite mi telo wi ponji mi Biblia ku buku Icopo kwo kud anyong’a rondo ku rondo!

I wang’ ponji

1. 

   1. Yikiri cuu. Saa m’ibeyikiri, par pi yeny pa japonj Biblia, pi lembe m’ebekadhu kud i iye, man pi gin m’eyiyo. Par pi ponji ma nyang’ i igi man ma tiyo kugi romo bedo ire tek. Nen bende kite ma jamtic ma nwang’ere i thenge m’uwacu “Tim sayusac” romo konye ko, man bed ayika nitiyo kugi i saa mi ponji kan ukwayere.

I saa mi ponji

1. 2. Ka japonj Biblia uyiyo, cak ponji man dare ku rwo.

2. 

   3. Kud iwec akeca. Keth nwoc iwi ponji ma wubeweco i wiye man mii kaka mi wec ire de.

3. 4. Kinde m’ibecaku thenge ma nyen, som paru ma dit ma n’i acaki mi thengene man wec iwi thiwi ponji moko ma nwang’ere i iye.

4. 5. Ka wudaru thenge moko, tii ku penji mi poyowic mi thengene pi nikonyo japonj Biblia upoy i kum lemandha m’eponjo.

5. 6. Kinde ma wubeweco iwi ponjiman:

   1. Wusom udukuwec.

   2. Wusom giragora ceke ma jukiewo i wang’gi nia “Som.”

   3. Wusom giragora mange ma jumiyo, kan ukwayere.

   4. 

      Wunen video ceke ma jukiewo i wang’gi nia “Nen” (ka copere).

   5. Penj japonj Biblia ku penji ceke.

   6. Tel nen pare iwi cal ma nwang’ere i thenge m’uwacu “Med nyang’ peri” man kway ekor gin m’ebeneno.

   7. Tii ku sanduku ma thiwiye tie, “Lembe m’ukwayu itim” pi nikonyo japonj Biblia utim mediri i thenge mi tipo. Iromo kwaye etii ku lembakeca ma jukiewo, eketh mange kunoke etii kugi zoo.

   8. Penje ka nyo kinde m’ebino yiko ponji pare enwang’u thiwiwec kunoke video moko m’unyang’e lee i thenge m’uwacu “Tim sayusac.”

   9. Ka copere, wudar ponji acel wang’ acel.

I ng’ey ponji

1. 

   7. Mediri niparu pi japonj Biblia. Kway Yehova umii mugisa iwi mediri m’ebetimo man emii iri rieko pi ning’eyo kite m’iromo konye ko.