KWO MI JUKRISTU
Tii ku buku Icopo kwo kud anyong’a rondo ku rondo! kinde m’iberweyo lembanyong’a
Watie kud anyong’a ma lee dit ninwang’u nyathibuku man buku ma nyen mi telo wi ponji mi Biblia! Wakwayu Yehova umii mugisa iwi kero ma wabetimo pi niketho dhanu dupa udok julub. (Mt 28:18-20; 1Ko 3:6-9) Watiyo ku jamtic ma nyen maeno nenedi?
Calu buku maeno utie ku kite ma nyen mi ponji, lub telowic ma junyutho piny e kinde m’ibeyikiri pi nitelo wi ponji man saa m’ibetelo wi ponji mi Biblia.a
Wusom lembe ma nwang’ere i bukune man wuwec iwi penji m’i iye
Wusom giragora ceke ma jukiewo i kume nia “som.” Man kony japonj Biblia unyang’ i kite m’ecopo tiyo ko ku lembene i kwo pare
Wunen video ma tung’ tung’ man tii ku penji ma jupenjo iwi lembe ma nwag’ere i videone pi ninyamu iye
Nindo ma ka wubeponjo, kacopere wutim kero nidaru ponji acel zoo
I tic mi lembanyong’a, lar imii nyathibuku ni ng’atini pi nineno nyo lembene utelo nen pare. (Nen sanduku: “Kite ma jucopo miyo ko nyathibuku Icopo kwo kud anyong’a rondo ku rondo! i rombo ma kwong’a.”) Ka nyathibukune thum, ma re japonj Biblia ubemito emedere asu ku ponji, mii ire buku man wucak kude i ponji mir 04. Ka nwang’u dong’ wubecuku ponjo Biblia ku ng’atu moko ku jamtic acel m’i kind jamtic ma tung’ tung’ ma wabed waponjo ko Biblia ku dhanu, wudok kude ndhu ndhu i buku Icopo kwo kud anyong’a rondo ku rondo! man wung’i wun giwu nia wucopo caku i ponji mir adi.
NEN VIDEO MA THIWIYE TIE ITIE AJOLA PI PONJI PERI MI BIBLIA, MAN I NG’EYE DWOK WANG’ PENJI M’ULUBO E:
Lembe ma kani ma juponj Biblia biponjo i buku ma nyen?
Pirang’o ukwayu inyuth video maeni ni juponj Biblia ma nyen?
Ukwayu ibed imii amora i kum japonj Biblia nok nok nia eketh man epong’ lembakeca ma kani?—Nen “Paru ma dit man Lembakeca mi thengeman”
a KORO LEMBE M’I THERE: Kadok nwang’u in re m’icopo neno nia nyo wuwec iwi thenge mi “Tim sayusac” kinde m’ibetelo wi ponji mi Biblia, nwang’ saa mi somo girasoma man nen video ceke ma nwang’ere i thenge maeno kinde m’ibeyikiri pi ponji. E ibing’eyo lembe ma japonj Biblia utiye ku yenyne man lembe ma romo konye. Bukune ma nwang’ere iwi yamu utie ku yo ma copo terojo wang’ acel i kum video man jam tic mange.
PARU MA DIT MAN LEMBAKECA MI THENGEMAN |
|||
|---|---|---|---|
PONJI |
PARU MA DIT |
LEMBE M’UKWAYU JAPONJ BIBLIA UTIM |
|
01-12 |
Nen kite ma Biblia romo konyi ko man kite m’iromo ng’eyo ko Mungu ma tie won Bibliane |
Mii amora i kum japonj Biblia nia ebed esom Biblia, ebed eyikere pi ponji, man ecak cidho i coko mwa ma tung’ tung’ |
|
13-33 |
Ng’ey lembe ma Mungu daru timo iwa man kit thier ma nyayu anyong’a i ie |
Mii amora i kum japonj Biblia nia ebed ewec ku jumange iwi lemandha m’ebeponjo man edok jarwey lembanyong’a |
|
34-47 |
Ng’ey lembe ma Mungu ubekwayu i bang’ ju m’uwore |
Mii amora i kum japonj Biblia nia ethier kwo pare ni Yehova man elim batizo |
|
48-60 |
Ponj kite ma juromo mediri ko nibedo i mer pa Mungu |
Ponj ni ng’atu mi ponjo kude Biblia kite m’eromo koyo ko kind lembe ma ber ku ma rac man kite m’eromo timo ko mediri i thenge mi tipo |
|