Lembe m’ukwayu walar wayiki kara waponj ku bodho

Jupenjo Yesu wang’ ario ku penji ma rom iwi kwo ma rondo ku rondo, re edwoko wang’ penji pa ng’atuman nimakere ku yeny pa ng’atune. (Luka 10:25-28; 18:18-20) Pieno, kadok nyo wang’eyo cuu mandha lembe ma wabiponjo ku ng’atini de, wacikara niyiko ponjine i wang’e, nwang’u ke waketho yeny pa ng’atu ma waponjo kude Biblia i paru mwa. Ecopo bedo ku peko mi nyang’ kunoke mi yio lembe ma kani? Wabisomo kude verse ma kani ikind verse ma tung’ tung’ ma junyutho? Wacikara niponjo udukuwec adi? Ecopo bedo ber nia walar wayiki cal kunoke lapor moko, penji kunoke korolembe mange ma bikonye kara enyang’ i lembe ma wabiponjo. M’umedo maeno, calu Yehova re ma ketho kodhi mi lemandha udongi i adunde ng’atini, wacikara nikwayu Yehova nia emii mugisa iwi yikiri mwa ma wabeyikara ko, iwi ng’atu ma waponjo kude Biblia, man iwi kero ma wabetimo pi konyo ng’atune edongi i tipo.​—1 Kor. 3:6; Yak. 1:5.