Ester uwodhere pi Yehova man pi jupagi

Ester ubino ku tegocwiny man ethiero kwo pare pi nicero bang’ Yehova man bang’ jupagi

8:3-5, 9

• Kwo pa Ester giku Mordekai ubino ngo i ariti. Ento Haman uwodho cik moko nia juneg Juyahudi ceke. Nwang’u dong’ cikne udaru lal uromo gund ng’om mi ker zoo

• Ester uketho kwo pare kendo i ariti; emondo iwang’ ubimo ma ke ubimo ulwong’e ngo. Eywak pi jupagi man ekwayu ubimo unyoth cik maeno marac

• Cik ma jukiewo ku nying ubimo ke nwang’u jucopo nyotho ngo. Re, ubimo umio ni Ester man ni Mordekai, twero mi kiewo cik mange manyen

Yehova umio aloci madit akeca ni dhanu pare

8:10-14, 17

• Jutwong’o pi cik manyen, m’umio twero ni Juyahudi ceke nicero bang’gi gigi

• Juoro jukwenda ma giringo ku kana gicidho i gund ng’om ceke mi ker, e Juyahudi giyikiri pi lwiny

• Dhanu dupa gineno bero ma Mungu utimo ni Juyahudi, e gilokiri gidoko ni Juyahudi