Yob ugwoko bedopwe pare saa mir amulaic

Yob ubino nikwo i adhura mi Uz, i rundi ma nyithindho mir Israel gibino i ng’eca i Misiri. Kadok Yob ubino ngo Jaisrael de, re ebino ng’atu ma woro Yehova i andha. Ebino ku juruot lee, ebino jalonyo madit man ng’atu ma pire ung’eyere lee kakare m’ebino nikwo i ie. Ebino jamii juk ma jubed juworo akeca, man ebino japoklembe m’umbe kud akoyakoya. Ebino ng’atu ma konyo jucan man dhanu ma gitie ku yeny. Yob ubino won bedopwe.

Yob unyutho kamaleng’ nia Yehova re ma tie ng’atu ma pire tek akeca i kwo pare

1:8-11, 22; 2:2-5

• Sitani ung’eyo nia Yob ubino won bedopwe. Ekwero ngo nia Yob ubino wor ni Yehova, ento ebino ku jiji iwi thelembe m’uketho Yob ubino timo ni Mungu

• Sitani uloko nia Yob ubetimo ni Yehova pi bero m’ecopo nwang’u ibang’e

• Pi nidwoko wang’ adote pa Sitani, Yehova uweko eketh Yob i amulaic. Sitani unyotho piny ceke ma Yob ubino ko

• Kinde ma Yob ugwoko bedopwe pare, Sitani udok ubedo ku jiji iwi thelembe mi bedopwe mi dhanu ceke

• Yob udubo ngo man eloko ngo nia Mungu re m’ubetimo lembe ceke marac