Yo ma tung’ tung’ mi tio ku JW Library

PI PONJI:

• Som Biblia man giragora ma kubang’ ceng’

• Som Annuaire, gazeti, man girasoma mange. Tii ku wec “marque-page” (bookmark)

• Yik program mi coko, man ried the dwokowang’ penji

• Nen video ma tung’ tung’

I COKO:

• Sai giragora ma jakorlembe ulwong’o. Pi nidok iwi giragora moko m’ilar isomo i wang’e, dii wi wec “Historique” (History)

• Kakare nicidho i coko ku buku dupa, tii ku telefon kunoke tablette peri pi nilubo program mi coko man pi niwero wer. I JW Library, junwang’u bende wer manyen ma fodi umbe i buku mi wer ma watie ko kawoni

I TIC MI LEMBANYONG’A:

• Tii ku JW Library pi ninyutho girasoma kunoke video moko ni ng’atu ma ponji mwa utelo nen pare, man ing’eye, konye nitoko program ne man girasoma ma tung’ tung’ i telefon kunoke tablette pare

• Dii wi wec “Rechercher” (Search) pi ninwang’u verse moko. Ka wec mi giragora ubenen ungo i Traduction du monde nouveau m’uwok manyen, icopo dio wi Bible de référence man nisayu wecne kendo

• Nyuth video ni dhanu. Ka jawinj peri utie kud awiya, icopo nyutho igi video moko ikind video, Deviens l’ami de Jéhovah (video pa Caleb giku Sofia). Kunoke pi nikonyo jawinj peri ubed kud ava mi ponjo Biblia, icopo nyutho ire video, Pirang’o Ukwayu Niponjo Biblia? Kan inwang’u ng’atu moko ma weco dhok mange, nyuth ire video moko i dhok pare

• Tii ku lok m’ilar itoko con con pi ninyutho ni dhanu giragora moko i dhok mange. Pieno, cidh iwi giragorane, dii wi namba mi verse, man ing’eye, dii wi ayi m’unyutho Biblia mi lok mange