Wamed bodho mwa i tic mi rweyo lembanyong’a​—Niketho cwiny dhanu ma ponji mi Biblia utelo nen migi gicidh i coko

PIRANG’O PIRE TIE TEK NITIMO KUMENO: Coko bemio iwa kaka mi ‘wero wer ni Yehova’ man mi ‘pake.’ (Zab 149:1) I coko, jubed juponjowa nitimo yeny pa Mungu. (Zab 143:10) Wang’ mapol, ju ma ponji mi Biblia utelo nen migi ku ju ma waponjo kugi Biblia gitimo mediri nwang’u gibecidho i coko mwa ma tung’ tung’.

KITE MA JUROMO TIMO KO:

• Lwong’ ng’atu ma ponji mi Biblia utelo nen pare ndhundhu i coko. Icikiri ngo nikuro nia wukecak ponji mi Biblia agbele kan ilwong’e.​—Nyu 22:17

• 

  Kor ire lembe m’ebiwok nwang’u kuca, man nyuth ire lembe ma jubiweco i wie i coko m’ubino. Lembe m’ulubo e copo nikonyi: karatasi mi lwong’o dhanu i coko, video ma thiwie tie Lembang’o ma Bekadhu i Ot Ker? man nyathibuku Yeny pa Yehova, ponjine mir 5 ku mir 7

• 

  Mii ire kony. Nyo ng’atu ma ponji mi Biblia utelo nen pare utie ku yeny ma nia jucidh jugame kud i pacu kunoke jukonye eng’ii bongu ma cuu m’ebikendo? Bed i ng’ete i saa mi coko man wusom buku peri kude. Keth dhanu mange ung’eye