MIIRI ZOO I TIC MI RWEYO LEMBANYONG’A | MED ANYONG’A PERI I TIC MI RWEYO LEMBANYONG’A
Kony ju m’iponjo kugi Biblia kara gicak cidho i coko
Coko utie thenge acel ma pire tek lee mi thier mandha. (Zb 22:22) Dhanu ceke ma gicokiri karacelo pi nitimo thier ni Yehova ginwang’u anyong’a man mugisa dupa. (Zb 65:4) Wang’ ma pol juponj Biblia gitimo mediri piyo i thenge m’i tipo ka gitie ku ng’iyo mi cidho i coko nja.
Icopo timo ang’o pi nikonyo ju m’iponjo kugi Biblia kara gicak cidho i coko? Mediri asu nibelwong’ogi i coko, nyuth igi video ma thiwiye tie Lembang’o ma Bekadhu i Ot Ker? man kor igi bero ma junwang’u ka jucidho i coko. (lff ponji mir 10) Icopo koro igi ponji moko ma beco m’inwang’u i coko kunoke icopo nyutho igi lembe ma jubiponjo i coko mi nindo m’ubino. Mii igi girasoma ma jubitiyo ko i coko. M’umedo maeno, mii igi kony ma gitie ku yenyne. Gicopo bedo bende ku yeny mi transpor pi nicidho i coko. Cing’ ma ng’atu m’iponjo kude Biblia bicidho i coko wang’ ma kwong’a e ibinwang’u nia itimo kero mananu ngo.—1Ko 14:24, 25.
NEN VIDEO MA THIWIYE TIE KONY JU M’IPONJO KUGI BIBLIA KARA GICAK CIDHO I COKO, MAN I NG’EYE DWOK WANG’ PENJI M’ULUBO E:
Neeta utiyo ku kaka ma kani pi nilwong’o Jade ubin i coko?
Pirang’o anyong’a benegowa tek ng’atu ma wa ponjo kude Biblia ubino i coko?
“Andhandha Mungu n’i kindwu”
Kinde ma Jade ucidho wang’ ma kwong’a i coko ewok enwang’u lembang’o?