Kony ju m’iponjo kugi Biblia kara gikoc i kum jurimo ma reco

Kara ju ma gibeponjo Biblia gidok jurimb Yehova, ukwayu gibed ku jurimo ma beco. (Zb 15:1, 4) Bedo ku jurimo ma beco bikonyogi nitimo lembe ma ber.​—Rie 13:20; lff ponji mi 48.

Kinde m’ibekonyo ju m’iponjo kugi Biblia kara giur jurimo ma reco, bed ikethiri kakagi. Eromo bedo igi lembe ma tek nipokiri ku jurimgi ma con. Pieno, bed idieng’ pigi lee kadok i nindo ma wubeponjo ngo i iye Biblia de. Ku lapor, icopo kiewo igi mesaj, iromo lwong’ogi i telefon kunoke iromo cidho liewogi i pacu. Ka dhanu m’iponjo kugi Biblia ucaku betimo mediri i thenge m’i tipo, icopo diko kindgi kud umego ku nyimego mange bende. Eno bikonyogi nineno kamaleng’ nia ginwang’u dupa nisagu ma giweko. (Mk 10:29, 30) In de anyong’a binegi kinde m’ibineno nia juruot pa Yehova ubemediri.

NEN VIDEO MA THIWIYE TIE KONY JU M’IPONJO KUGI BIBLIA KARA GIKOC I KUM JURIMO MA RECO, MAN I NG’EYE DWOK WANG’ PENJI M’ULUBO E:

• Nidikiri ku ju ma pigi rac thelembene tie ang’o?​—1Ko 15:33

• Jade uparu ang’o iwi dikiri kud umego ku nyimego?

• Neeta ukonyo Jade nenedi kara ewek jurimo ma reco?