Kadok Kadhukuwijo ubino ngo lanyuth mi Poi pi tho pa Yesu, re lembe moko m’i ie utie ku ponji iwa tin. Ku lapor, jakwenda Paulo ulwong’o Yesu nia “lam mwa mi Kadhukuwijo.” (1Ko 5:7) Tap calu ma rimb nyathi rombo ma jugam juwiro i ng’et dhugola tingili ubodho kwo, rimb Yesu bende bodho kwo mwa. (Ai 12:12, 13) M’umedo maeno, con jubed juturo ngo kadok cogo acel de mi nyathi rombo mi Kadhukuwijo. Kumeno bende, juturo ngo cogo acel de pa Yesu ma ke nwang’u wang’ mapol juyahudi gibed gituro cogo mi dhanu ma ginego kumeca.—Ai 12:46; Yh 19:31-33, 36.