Wamed Bodho Mwa I Tic Mi Rweyo Lembanyong’a​—Kony ‘dhanu m’adundegi bedo ayika’ gidok julub

PIRANG’O PIRE TIE TEK NITIMO KUMENO: Yehova beketho kodhi mi lemandha udong i ‘dhanu m’adundegi bedo ayika.’ (Tic 13:48; 1Ko 3:7) Watimo tic karacelo kude nwang’u wabekonyo dhanu m’ubeketho lembe ma waponjo igi i timo. (1Ko 9:26) Ukwayu ju ma waponjo kugi Biblia ginyang’ nia kara gibothi, mito gilim batizo. (1Pe 3:21) Wakonyogi nidoko julub, nwang’u wabeponjogi gitim alokaloka i kwo migi, girwei lembanyong’a, giponji dhanu, man githier kwo migi ni Yehova.​—Mt 28:19, 20.

KITE MA JUROMO TIMO KO:

• Bed ipoi wi juponj Biblia nia waponjo kugi kara “ging’ei” Yehova man ginyai anyong’a i ie.​—Yh 17:3

• Konygi gitim mediri i thenge mi tipo, man givoi lembe ma copo cero wang’gi, calu ve timo m’umaku piny ungo man jurimo ma reco

• Konygi man keth cwinygi i wang’ limo batizo man i ng’eye bende.​—Tic 14:22

NEN VIDEO MA THIWIE TIE YEHOVA MUNGU BIKONYI, MAN I NG’EYE DWOK WANG’ PENJI M’ULUBO E:

• Lembang’o ma copo ketho ng’atini lworo nithiero kwo pare man nilimo batizo?

• Judong cokiri gicopo konyo juponj Biblia nenedi kara gimediri i thenge mi tipo?

• Giragora pa Isaya 41:10 ubemio iwa ponji ma kani?

• Kite ma kani ma bikonyowa nitimo ni Yehova i ayi ma foyo ie, kadok watie dhanu ma leng’ ungo de?