Wi Mungu biwil ungo ku tic ma ber ma wabetimo

Dhanu pa Yehova ceke copo timo lembe ma beco i tic pare ma wie biwil ungo i kume nyanok de. Calu janyodo ma jamer wie wil ungo i kum tic ma beco m’awiya pare timo, Yehova bende wie biwil ungo i kum tic ma ber ma wabetimo man mer ma wabenyutho pi nyinge. (Mt 6:20; Eb 6:10) I andha re, copo pa ng’atuman ubed ukoc, man lembe ma ng’atuman ukadhu kud i ie de ubed ukoc. Ento ka watimo ni Yehova ku tego mwa ceke, wabibedo kud anyong’a. (Ga 6:4; Kl 3:23) Niai con, umego ku nyimego dupa gitimo i Bethel. Nyo in de iromo bedo ayika nikonyo tic i Bethel? Kan ecopere ngo iri, nyo iromo tielo cwiny jumange gitim kumeno, kunoke nyo iromo konyo ng’atu moko ma dong’ ubetimo i Bethel kara emedere ku tic maeno ma segi?

KETH JUNEN VIDEO MA THIWIE TIE YIKIRI PI NIKONYO TIC I BETHEL, MAN I NG’EYE DWOK WANG’ PENJI M’ULUBO E:

• Ang’o m’ucikere nicwalu ng’atini pi nitimo i Bethel?

• Mugisa ma kani ma jumoko ginwang’u i tic mi Bethel?

• Lembang’o m’ukwayere i bang’ ju m’umito timo i Bethel?

• Iromo pong’o karatasi mi kwayu tic mi Bethel nenedi?