Ponji ma kani m’iromo nwang’u i wer mi Televizio JW?

Wer ma kani m’imaru akeca kud i kind wer mwa mi Televizio JW? Pirang’o imarugi? Nyo pilembe ibed inwang’u nia giweco iwi lembe mi kwo mwa ma kubang’ ceng’? Calu mizikne giweco iwi lembe ma tung’ tung’ man ayi ma jugoyo kogi de ubed ukoc, gicopo foyo i dhanu ceke. Re wer maeno ku videone gitie ngo kende kende jamlanguwic.

Kubang’ wer ceke mi Televizio JW utie iwa ku ponji ma beco ma wacopo tio ko i kwo mwa mi Jukristu man i tic mi lembanyong’a. Werne moko uweco iwi nyutho jol, bedo i acel, bedo ku jurimo, tegocwiny, mer, kunoke yioyic. Werne mange ke cwalujo nidwogo i bang’ Yehova, nitimo kisa, nigwoko bedoleng’ saa ceke, man nilubo lembakeca mi tipo. Acel m’i kindgi uweco kadok iwi ayi ma waromo tio ko cuu ku telefon mwa. Ponji mange ma kani ma beco m’ituc ninwang’u i wer mwa mi Televizio JW?

NEN VIDEO MI WER MI TELEVIZIO JW MA THIWIE TIE ENI CENG’INI. I NG’EYE, DWOK WANG’ PENJI M’ULUBO E:

• I video maeni, umego karacelo ku min ot pare ma gidaru tii gibeparu pi mugisa ma kani mi nindo m’ubino?​—Th 12:3

• Waromo teng’o yioyic mwa nenedi iwi copo ma Yehova tie ko mi pong’o lembang’ola pare?

• Jukani ma wabidorombo kugi kendo ceng’ini eni?

• Genogen ma watie ko iwi Ker pa Mungu konyowa nenedi niciro peko mwa mi nindo ma tin?​—Rm 8:25