Wanyutho mer nwang’u wabediko cingwa i kum twiny ma Yehova umio

Koyo ng’atini kud i cokiri ketho cokiri bedo agwoka man etwinyo judubo ma giyewo ngo racu migi. (1Ko 5:6, 11) Ka wabediko cingwa i kum twinyo twiny ma kumeno, eca nwang’u wabenyutho mer. Ecopo bedo lembe mi mer nenedi ma nwang’u ke ebenyayu can i wedi pa ng’atu ma jukoyone man bende i komite mi pokolembe?

M’usagu zoo, eca nwang’u wanyutho nia wamaru nying’ Yehova kud ucidere man nia wamaru cik pare ma leng’ mir ukungu. (1Pe 1:14-16) Eno nyutho bende nia wamaru dhanu ma jukoyo kud i cokiri. Twiny ma tek ma jumio, kadok enyayu can de, re ecopo cego “nyinge mi kwiocwiny.” (Eb 12:5, 6, 11) Ka wabedikara ku dhanu ma jukoyo kud i cokiri kunoke dhanu ma gikoyiri gigi kud i cokiri, eca nwang’u wabecayu twiny pa Yehova. Poi nia Yehova twinyo dhanu pare i mukero ma cuu. (Yr 30:11) Watie ku genogen nia ng’atu ma jukoyo bidwogo i bang’ Yehova Wegwa ma jakisa. Ento pi kawoni, wamedara asu nidiko cingwa i kum twiny pa Yehova man watim kero mwa ceke niketho winjiri mwa kude udok tek.​—Is 1:16-18; 55:7.

NEN VIDEO MA THIWIE TIE NYUTH GWOKO BEDOLENG’ PERI KUD ADUNDENI CEKE, MAN I NG’EYE, DWOK WANG’ PENJI M’ULUBO E:

• 

  Junyodo ma Jukristu giromo winjiri ku can ma nenedi i cwinygi ka nyathin migi moko uweko Yehova?

• 

  Umego ku nyimego gicopo konyo juruot mange m’udong’ m’ubegwoko bedoleng’ migi kinde ma jukoyo wedi migi kud i cokiri nenedi?

• 

  Lapor ma kani mi Biblia m’ubenyutho nia pire tie tek nia gwoko bedoleng’ mwa ni Yehova ubed tek nisagu gwoko bedoleng’ ni wedi mwa?

• 

  Wacopo ketho gwoko bedoleng’ mwa ni Yehova ubed ni gin ma pire tek ni sagu gwoko bedoleng’ ni wedi mwa nenedi?