Twiny nyutho mer pa Yehova

Twiny utie telowic man ponji, ento eketho i ie bende juk man matira. Yehova bemio iwa twiny kara watim ire thier i ayi m’ejolo. (Rm 12:1; Eb 12:10, 11) Saa moko twiny copo bedo lith, re tek watio kude, ecopo tirowa man ekelo mugisa. (Rie 10:7) Lembang’o m’ukwayu jamii juk man ng’atu ma jubemio ire juk gicikiri nipoi i kume?

Jamii juk. Judong’ cokiri, junyodo, man dhanu mange ceke gicikiri ni ii nimio juk ku bero man mer calu Yehova. (Yr 46:28) Kadok juk ma kwiny de jucikiri nimie i ayi m’umaku piny man ku mer.​—Tt 1:13.

Ng’atu ma jubemio ire juk. Kadok jubemio iwa juk i ayi ma nenedi de, wacikara ngo nikwere ento waii nitio kude ndhundhu. (Rie 3:11, 12) Calu watie dhanu ma waleng’ ungo, watie ku yeny mi juk ma wanwang’u i ayi ma tung’ tung’. Wacopo nwang’u twiny niai kud i lembe ma wasomo i Biblia kunoke i coko mwa ma tung’ tung’. Kunoke saa mange wanwang’u twiny niai kud i komite mi pokolembe. Tek watio ku juk ndhundhu, wabikwo kud anyong’a man i ng’eye ke rondo ku rondo.​—Rie 10:17.

NEN VIDEO MA THIWIE TIE “YEHOVA TWINYO JU M’EMARU,” MAN I NG’EYE, DWOK WANG’ PENJI M’ULUBO E:

• 

  Kwo pa Canon ucaku nenedi, man edok elokere nenedi?

• 

  Twiny ma nenedi mi mer m’enwang’u i bang’ Yehova?

• 

  Lembe m’ekadhu kud i ie ubemio iwa ponji ma kani?