MIIRI ZOO I TIC MI RWEYO LEMBANYONG’A | MED ANYONG’A PERI I TIC MI RWEYO LEMBANYONG’A
Jol kony mir umego ku nyimego
Yehova umiyo iwa “utumego” kara gikonywa. (1Pe 5:9) Gicopo konyowa ninyego ku peko ma wabenwang’ara ko i tic mi lembanyong’a man nitimo ticne ma ber. Ku lapor, jakwenda Paulo unwang’u kony lee niai kud i bang’ Akila giku Prisila, Sila, Timoteo, man jumange.—Tic 18:1-5.
Umego ku nyimego mange romo konyi nenedi i tic mi lembanyong’a? Gicopo nyutho iri kite ma cuu ma icopo dwoko ko wang’ jai m’uwok, kite m’icopo dok timo ko liew, kunoke kite mi romo telo ko wi ponji mi Biblia. Kepar pi ng’atu moko m’i cokiri peri ma copo miyo iri kony m’itie ku yenyne man kwaye ekonyi. M’umbe jiji, wun ceke wubikonyuru i kindwu man ng’atuman bimedo anyong’a pa wadi.—Flp 1:25.
NEN VIDEO MA THIWIYE TIE JOL KONY PA YEHOVA KARA INWANG’ ANYONG’A I TIC MI KETHO DHANU DOK JULUB—UMEGO KU NYIMEGO MWA, MAN I NG’EYE DWOK WANG’ PENJI M’ULUBO E:
Neeta uii nenedi nimiyo amora i kum Jade kara ecidh i coko?
Pirang’o wacikara nilwong’o jurwei mange gidikiri kudwa i telo wi ponji mi Biblia?
Tic mi ketho dhanu dok julub utie tic mir umego ku nyimego ceke mi cokiri
Lembe moko ma kani m’urombo i kind Jade gikud Abigay?
Bodho ma tung’ tung’ ma kani mi rweyo lembanyong’a ma jurwei mange copo nyutho iri?