Kony ju m’iponjo kugi Biblia kara Ging’ei kite ma giromo ponjo ko lembe iwi Yehova

M’umedo lemandha ma wabeponjo igi, juponj Biblia gicikiri ning’eyo lembe mange de dupa kara upong’ yeny migi mi tipo man kara ukonygi nitimo mediri i thenge mi tipo. (Mt 5:3; Eb 5:12–6:2) Gicikiri bende ning’eyo kite ma giromo ponjo ko lembe iwi Yehova gin gigi.

I acaki, nyuth ni ju m’iponjo kugi Biblia kite ma giromo yikiri ko pi ponji migi mi Biblia man mii amora i kumgi nia gibed gitim kumeno. (mwb18.03 mba. 6) Bende, mii amora i kumgi nia gibed girwo i wang’ nitimo ponji migi ma segi man i ng’eye. Konygi ging’ey kite ma gicopo nwang’u ko jamtic mwa iwi yamu man ging’ey tiyo kude. Nyuth igi bende kite ma gicopo lubo ko lembe ma nyen i jw.org man i Televizio JW. Ng’igi nok nok ku somo Biblia nja ku bang’ ceng’, ku yiko coko man ku timo sayusac pi ninwang’u dwoko wang’ penji migi. Konygi gibed ginyam i lembe ma gibeponjo.

NEN VIDEO MA THIWIYE TIE KONY JU M’IPONJO KUGI BIBLIA KARA GING’EI KITE MA GIROMO PONJO KO LEMBE IWI YEHOVA, MAN I NG’EYE DWOK WANG’ PENJI M’ULUBO E:

• 

  Neeta ukonyo Jade nenedi ning’eyo nia ponjo Biblia utie ngo kende kende dwoko wang’ penji tap?

• 

  Ang’o m’ukonyo Jade ninyang’ nia kara Yehova ukwero sasa mi tarwang’ dre?

• 

  Jade unyang’ i kum lembang’o iwi nyamu i lembe?