Nyo ibetiyo cuu ku som mi Biblia m’awinja?

Som mi Biblia m’awinja tie ang’o? Som mi Biblia m’awinja tie som ma jumaku mi Biblia Lok mi ng’om ma nyen. Ebecuku wok yoyo i dhok ma pol. Lembe pare ma ber tie nia jubed jutiyo ku dwal ma tung tung kaka ng’atuman ma Biblia uweco pire. Jusomo wecne tap ve ng’atune ubeweco en kara lemkwenda mi Biblia uwinjere i ayi m’atira man ma tap.

Jumoko gibenwang’u bero i Som mi Biblia m’awinja nenedi? Dhanu dupa ma gilubo Som mi Biblia m’awinja kubang’ ceng’, gimaru kite ma somne udwoko ko lembe pa Mungu udoko ni lembe ma kwo. Ginwang’u nia kinde ma gibewinjo dwal ma tung’ tung’ kaka ng’atuman ma Biblia uweco pire, eketho gineno lembe ma Biblia uweco pire kamaleng’ man eketho ginyang’ ma ber mandha i lembagora. (Rie 4:5) Dupa bende ginwang’u nia lubo som mi Biblia m’awinja kwiyo cwinygi kinde ma gitie kud adieng’acwiny.—Zb 94:19.

Niwinjo lembe pa Mungu ma jubesomo ku dwal ma tek copo bedo ku tego iwi kwo mwa. (2Ke 34:19-21) Tek theng som mi Biblia m’awinja kunoke som mi Bibliane ma zoo moko nuti i dhok m’iromo nyang’ i iye, nyo icopo ketho ngo edok iri ni gin m’ibed iwinj nja?

NEN VIDEO MA THIWIYE TIE KITE MA JUWODHO KO SOM MI BIBLIA M’AWINJA—THENGE, MAN I NG’EYE DWOK WANG’ PENJI M’ULUBO E:

Ang’o m’ubewang’u ii i kum kite ma juwodho ko som mi Biblia m’awinja?