Lembe ma copo konyi nisomo Biblia kubang’ ceng’

Nikum tic m’upong’ i weng’i, nyo etie tek iri niworo program peri mi somo Lembe pa Mungu kubang’ ceng’i? (Yoc. 1:8) Tek eyo, kepim nitiyo ku lembe m’ulubo piny e:

• Keth iri jampoyo wic. Keth telefon ubed upoy wii pi nisomo Biblia.

• Keth Biblia peri ubed kaka ma ngbeng’. Tek isomo Biblia mi karatasi, keth ebed kaka m’icopo nene i iye yot yot kubang’ ceng’.—Poy. 11:18.

• Winj dwal ma jumaku. Winj dwal ma jumaku pir awinja kinde m’ibetimo tic peri ma kubang’ ceng’. Tara ma tie jayab yo ma timo tic kud uthieno uwacu kumae: “Niwinjo som mi Biblia ma jumaku pir awinja, konya nisomo Biblia kubang’ ceng’ kinde m’abetimo tic para mi pacu.”

• Kud ivoci. Tek lembe moko ma rek uwok m’unyotho program peri, som giragora kadok nyanok i wang’ nivuto. Kadok ibewotho some nyanok kubang’ ceng’ de, kokoro ibinwang’u bero i iye.—1 Pet. 2:2.