KWO MI JUKRISTU

Kony dhanu m’umbe i dini moko gituc ning’eyo Jacwic migi

Nyo ibed imwony nimiyo lembatuca ni dhanu m’umbe i dini moko ma nwang’u ibeparu ko nia gibijolo ngo lembene cuu? Kan etie kumeno, poy nia dhanu dupa ma gilar gibino mbe i dini moko, uketho i iye ju m’ular uyiyo nia Mungu umbe de, tin gidoko Jumulembe pa Yehova. Wang’ ma pol gin ma gibino ku yenyne ubino kony ma nyanok, ma ginyang’ ko i gin m’ubenyutho andha nia Mungu unuti.—Rm 1:20; 10:14.

NEN VIDEO MA THIWIYE TIE JU M’UMBE KU YIYOYIC DE COPO DOKO JUYIC!—DHANU M’UMBE I DINI MOKO!, MAN I NG’EYE DWOK WANG’ PENJI M’ULUBO E:

Lembe ma Tommaso ukadhu kud i iye ubekonyi nenedi nibedo ku nen ma ber iwi miyo lembatuca ni dhanu m’umbe i dini moko?

Dwokowang’ lembe peri

Gin m’iromo timo

Tek ng’atu moko ubeyero nia eyiyo ngo Mungu, wec kude ma ber man ku bodho; nyuth nia ibedieng’ ku paru pare iwi lembe m’ubeweco i wiye. (2Tm 2:24) Wec iwi thiwiwec moko ma copo telo nen pare. Nyo etie ayika ning’eyo gin m’uketho dhanu dupa uyiyo nia Jacwic unuti? Ka eyo, tii ku girasoma man video mwa ma juyiko pi thiwiwec maeno. Jumedo nyathi buku La vie a-t-elle été créée ? man bende Cinq questions à se poser sur l’origine de la vie i sanduku mwa mi jamtic mi ponjo Biblia ku dhanu kara junwang’gi yot yot.

Ku kwong’a lworo copo negi niweco iwi lemandha ku ng’atu moko m’uyiyo ngo nia Mungu nuti. Dong’ nyo icopo kwayu ngo kony i bang’ jarwey moko ma won bodho? Poy bende nia Yehova copo konyowa ninwang’u dhanu m’adundegi bedo ayika kadok nwang’u i wang’e gilar giyiyo ngo nia enuti de.—Tic 13:48.