Tii cuu ku kieu

Yakobo ma jalub uporo Biblia ku kieu ma konyowa nineno ng’atu ma yor i iwa. (Yak. 1:22-25) Dong’ wacopo tiyo ma ber ku Biblia nenedi calu kieu?

Some aketha cwinyi. Tek waneno wang’wa nyamalu malu kende i kieu, waromo kadhu ku wi piny moko ma nwang’u ukwayu wakabi. Kara wanen gin m’ukwayu wayiki i kum ng’atu ma yor i iwa, ukwayu wasom Lembe pa Mungu aketha cwinywa.

Woth neniri giri kakare nineno kwa jumange. Kinde ma wabeneno wang’ kieu, waromo neno bende gin m’ukwayu jumange giyiki i kumgi. Kumeno bende, Biblia copo konyowa nineno kosa mi jumange. Ento eno bikonyowa ngo nitimo alokaloka m’ukwayere.

Bed ng’atu ma i lembe pare tek ungo. Tek waketho wiwa zoo i kum nyithi kosa m’i kumwa ma kieu ubewodho, cwinywa romo tur mananu. Kinde ma wabesomo Lembe pa Mungu, ukwayu ngo warid i thol akeca; kud wasay nia mito watim lembe i kadhiri m’usagu ma Yehova ubekwayu.—Yak. 3:17.