Kan ibeponjo piny, bed ku lembakeca mi weco iwi lembe m’iponjo ku jumange

Wacopo nwang’u anyong’a lee i saa mi ponji mwa, man anyong’ane copo medere ka wabeweco ku jumange iwi lonyo mi tipo ma tielo cwiny ma wanwang’u. Lembrieko 11:25 uwacu kumae: “Ng’atu ma kwoyo pii lee iwi jumange, en de jubikwoyo pii i wiye.”

Ka wabeweco ku jumange iwi lembe ma waponjo, ecopo doko iwa yot nipoy i kum paru ma pigi tek man nimedo nyang’ mwa. Man wabedo kud anyong’a niweco kugi iwi lonyone ka wabeneno nia ebemiyo igi bero.—Tic. 20:35.

Kepim lembe ma e: I kind yenga m’ubino, say kaka mi weco iwi lembe m’iponjo ku ng’atu moko mange. Eromo bedo wat peri, ng’atu moko mi cokiri peri, jaratic wedu, nyathin wedu mi somo, jirani peri kunoke ng’atu moko m’irombo ko i lembanyong’a. Pim niweco iwi lembene ku wec ma peri giri i ayi ma yot man ma terere.

Poy i kum lembe ma e: Wec ku jumange iwi lembe m’iponjo pi nitielo cwinygi, ento ungo pi niwang’u igi.—1 Kor. 8:1.