Zaburi
Wer. Wer pa wot Kora.
48 Yehova e dwong’ man eromo jupake nisagu zoo
I adhura pa Mungu mwa, iwi got pare ma leng’.
2 Got Sayuni ma ni bor yo malu tie leng’ i kadongone,
Etie anyong’a mi ng’om ngung’,
En e adhura p’Ubimo ma Dit.
3 I udi ma wiw ma tek m’i iye,
Mungu uketho jung’eyo nia en e kapondo* ma museme.
4 Kum nen! jubim gicokiri;*
Gicoro karacelo.
5 Kinde ma gineno adhurane, igi wang’ lii.
Ndiri umakugi man giringo ma lworo ma dit ubenegogi.
6 Mielkum umakugi keca,
Nduru ma calu pa dhaku m’ubegonyere.
7 Ing’enyo meli mi Tharsis ku yamu ma yo nyangu.
8 Gin ma nwang’u wawinjo pire awinja, kawoni dong’ wanene wan giwa
I adhura pa Yehova mir udul, i adhura pa Mungu mwa.
Mungu biketho adhurane bicungo nging’ nging’ rondo ku rondo. (Sela)
9 E Mungu, wabenyamu i lembe cuu iwi mer peri ma lokere ngo,
I hekalu peri.
10 Calu nyingi, E Mungu, pak peri de
Ucidho cil i gund ng’om zoo.
Cingi mir acwic upong’ ku bedopwe.
11 Wek anyong’a neg Got Sayuni,
Wek adhura* mi Yuda gibed ku mutoro nikum lembapoka peri.
12 Wuwoth i ng’et Sayuni, wudhoke tingili;
Wukwan wend udi ma wiw m’i iye.
13 Wuketh adundewu i kum gang’kidine ma tek.
Wung’ii kum udi ma wiw m’i iye,
Kara wukor pire ni dhanu m’utuk ma bibino.
14 Kum Mungu maeni en e Mungu mwa rondo ku rondo.
Ebitelo wiwa nja ku nja.*