Zaburi
Ni jatel wi wer. Wer pa Daudi.
68 Dong’ Mungu uai malu, wek judegine gilal,
Man wek ju m’udage giring cen kud i wang’e.
2 Calu ma yamu riemo yiro cen, in de riemgi cen;
Calu m’udok leny i wang’ mac,
Dong’ jutimrac de girwiny i wang’ Mungu.
3 Ento wek mutoro uneg weg bedopwe;
Wek anyong’a uneggi lee i wang’ Mungu;
Dong’ mutoro kud anyong’a uneggi.
4 Wuwer ni Mungu; wuwer wer mi pak* ni nyinge.
Wuwer ni Ng’atu m’uberingo i pambu mi langa.*
Nyinge tie Yah!* Mutoro unegwu i wang’e!
6 Mungu miyo ot ni ju ma gitie kendgi kara gibed i iye;
Ewodho jukol woko man eketho lembe migi bedo miero.
Ento ju ma wigi tek,* gicikiri nikwo i ng’om m’uthwo.
7 E Mungu, kinde m’itelo wi* dhanu peri,
Kinde m’iwotho i langa, (Sela)
8 Ng’om uyengere;
Nikum Mungu, polo konjo koth;*
Sinai maeni uyengere nikum Mungu, ma en e Mungu mir Israel.
9 Iketho koth ucwii lee, E Mungu;
Idwoko kero i kum dhanu* peri ma givoc.
10 Gibedo i kagonjo mi hema peri;
Nikum bero peri, ipong’o yeny mi jucan, E Mungu.
11 Yehova ubemiyo ng’ol;
Jumamon ma giberweyo lembanyong’a gin udul ma dit.
12 Jubim mir udul askari giberingo, giberingo!
Dhaku m’udong’ i pacu de unwang’u kum jambayeki.
13 Kadok nwang’u wun wu dhanu wugam wuvuto i kind mac mi kambi,*
Re asu vomb akuru ma juumo kume ku mola ma tar bibedo nuti,
Ma tie kud ukondo mi mola ma kwar ma leng’.*
15 Got mi Bacan en e got pa Mungu;*
Got mi Bacan en e got ma wiw.
16 Wu gudi ma wiw, pirang’o wubeneno bang’ got
Ma Mungu ung’iyo* ni kabedo pare ku kumira?
Andhandha Yehova bibedo keca nja ku nja.
17 Magali mi lwiny pa Mungu utie elufu dupa, gitie elufu wang’ elufu.
Yehova uai kud i Sinai ebino i kabedo ma leng’.
18 Iidho malu;
Igonyo ju ma gibino ng’eca;
Iting’o giramiya ma dhanu,
Eyo, kadok ju ma wigi tek, kara gibed i kindgi, E Yah Mungu.
19 Dong’ jupak Yehova, en m’eyeyo ter mwa kubang’ rupiny,
Mungu mandha mi both mwa. (Sela)
20 Mungu mandha tie Mungu ma bodhowa;
Man Yehova ma tie Rwoth Ubimo ma Malu ngbir bodhojo kud i tho.
21 Eyo, Mungu bing’enyo wi judegi pare,
Ebing’enyo upoko wi ng’atu moko ci m’ubemedere* i kier pare.
22 Yehova uwacu kumae: “Abiketho gibidwogo kud i Bacan;
Abiketho gibidwogo kud i the nam,
23 Kara tiendi ujom i rimb judegi
Man leb gwogi peri unang’ rimbgi.”
24 Gibeneno piro peri, E Mungu,
Piro pa Mungu para, ma en e Ubimo para i kabedo ma leng’.
25 Juruwer gibewotho i wang’e,
Jugoy mizik gibelubo ng’eygi ma gibegoyo jamgoyo wer ma juthondhe;
I diere, jumanyir gibegoyo nyithi vul.
26 Wupak Mungu i kind udul dhanu m’ucokiri;*
Wupak Yehova, wun ma wuai i Thekiri pa Israel.
27 Keca, Benjamin ma nyathin ubeketho dhanu i the loc pare,
Judongo ma wijo mi Yuda kud udul dhanu migi m’ubetimo yakini,
Man judongo ma wijo mi Zebulon, ku judongo ma wijo mi Nafthali bende.
28 Mungu peri ng’olo nia ibibedo tek.
Nyuth tego peri, E Mungu, in m’igam itimo lembe iwa.
29 Nikum hekalu peri ma n’i Yeruzalem,
Jubim gibikelo iri giramiya.
30 Juk yedi mi lum m’i kind agada,
Udul thwoni dhieng’ ku nyithindhgi,
Cil ma dhanu girum piny man gikel mola ma tar.*
Elalu dhanu m’umaru lwiny.
31 Jubikelo jamtic mi mola* niai kud i Misiri;
Kuc bidhulere pi nikelo giramiya ni Mungu.
32 E ker mi ng’om, wuwer ni Mungu,
Wuwer wer mi pak* ni Yehova, (Sela)
33 Ni ng’atu m’uberingo i polo mi polo ma con.
Nen! dwande ubemor, dwande ma tek.
34 Wuyii nia Mungu tie ku tego.
Dwong’ pare n’iwi Israel,
Man tego pare ni i afuru.*
35 Mungu ng’oyo ndiri niai kud i kabedo ma leng’ pare* ma dit.
En e Mungu mir Israel,
Ma miyo tego ku kero ni dhanu.
Pak ubed ni Mungu.