KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • Zaburi 71
  • Biblia—Lok mi ng’om ma nyen

Thenge maeni umbe ku video.

Tim kisa, kosa moko uwok rek.

Lembe ma dongo m’i buku mi Zaburi

      • Genogen mi ju m’utii

        • “Ageni niai ma fodi an aradu” (5)

        • “Kinde ma tego para ubethum” (9)

        • ‘Mungu uponja niai ma fodi an aradu’ (17)

Zaburi 71:2

Korolembe mi there

  • *

    Kunoke “Kul kori man iwinja.”

Zaburi 71:5

Korolembe mi there

  • *

    Kunoke “In i tegocwiny para.”

Zaburi 71:10

Korolembe mi there

  • *

    Kunoke “gibeyenyo ng’eyong’ec para.”

Zaburi 71:13

Korolembe mi there

  • *

    Kunoke “ju dhu ng’eyong’ec para.”

Zaburi 71:15

Korolembe mi there

  • *

    Kunoke “m’acopo kwanugi ngo.”

Zaburi 71:18

Korolembe mi there

  • *

    I dhu Juebrania: “bot.”

Zaburi 71:20

Korolembe mi there

  • *

    Kunoke “pii ma thuc.”

Zaburi 71:22

Korolembe mi there

  • *

    Kunoke “abigoyo iri mizik.”

Zaburi 71:23

Korolembe mi there

  • *

    Kunoke “iwaru ng’eyong’ec para.”

Zaburi 71:24

Korolembe mi there

  • *

    Kunoke “binyamu lembe iwi.”

Lok m'urombo

Dii wi namba pi nineno verse mange m'urombo kude.
  • Biblia—Lok mi ng’om ma nyen
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
Biblia—Lok mi ng’om ma nyen
Zaburi 71:1-24

Zaburi

71 E Yehova, apondo i beng’i.

Timba lewic kud unyay i wiya ki.

 2 Bodha man lara nikum bedopwe peri.

Cik ithi i bang’a* man ibodha.

 3 Dok ira ni cana ma en e ot ma tek

Kaka m’acopo mondo i iye saa ceke.

Mii ng’ol kara jubodha,

Kum in i cana para man kaka ma tek para.

 4 E Mungu para, lara kud i cing’ jatimrac,

Kud i the lwet ng’atu m’ubesenda mananu.

 5 Kum in i genogen para, E Rwoth Ubimo ma Malu ngbir Yehova;

Ageni* niai ma fodi an aradu.

 6 Acaku jengara i wii niai m’anyolara;

In re m’iwodha kud i maa.

Abepeki saa ceke.

 7 Adoko ni udu ni dhanu dupa,

Ento in i kapondo para ma nging’ nging’.

 8 Dhoga upong’ bik ku pak peri;

Abeyero pi leng’o peri dieceng’ duu.

 9 Kud iwenja kinde m’atii;

Kud ikuna kinde ma tego para ubethum.

10 Judegina gibeweco rac i kuma,

Man ju ma gibeyenyo gikab kwo* para gibecamu gamba karacelo,

11 Giwacu kumae: “Mungu udaru kune.

Wuriem toke man wumake, kum ng’atu ma copo bodhe mbe.”

12 E Mungu, kud ibed bor kuda.

E Mungu para, bin pio pio ikonya.

13 Wek lewic umak judhoga*

Man girwiny.

Wek ju ma gibeyenyo can para

Gidong’ kud acidi man gidok pang’ pang’.

14 Ento an, abikuro asu;

Abipeki kendo nisagu.

15 Dhoga bikoro pi bedopwe peri,

Dieceng’ duu abikoro pi tic peri mi both,

Kadok gidupa dit m’acopo nyang’ i igi ngo.*

16 Abibino man abikoro pi tic mi tego peri,

E Rwoth Ubimo ma Malu ngbir Yehova;

Abinyutho pi bedopwe peri, peri kendi.

17 E Mungu, iponja niai ma fodi an aradu,

Man nitundo kawoni abetwong’o pi tic peri ma wang’u ijo.

18 Kadok kinde m’atii man wiya julwar, E Mungu, kud ikuna.

Wek anyuth pi tego* peri ni dhanu m’utuk ma bibino,

Man pi kero peri ni dhanu ceke ma bibino.

19 E Mungu, bedopwe peri utundo malu ngbir;

Itimo giki ma dongo;

E Mungu, ng’a ma calu ini?

20 Kadok nwang’u iketho anwang’ara ku masendi man can dupa,

Dwok tego kendo i kuma;

Wodha kud i thuc* mi ng’om.

21 Dong’ med dwong’ para,

Tiek kuma gbur man juk cwinya.

22 E abipeki* ku jamgoyo wer ma juthondhe

Pi bedoleng’ peri, E Mungu para.

Abiwero iri wer mi pak kud adungu,

E in m’i Ng’atu ma leng’ mir Israel.

23 Dend dhoga bikok ku mutoro kinde m’abewero iri wer mi pak,

Kum ibodho kwo para.*

24 Leba biweco pi* bedopwe peri dieceng’ duu,

Kum ju ma gibeyenyo nia anyothara gibidong’ ku lewic man acidi.

Girasoma mi dhu Alur (1993-2026)
Woki
Mondi
  • Alur
  • Ore ni ng'atini
  • Lembe m'imaru
  • Copyright © 2025 Watch Tower Bible and Tract Society of Pennsylvania
  • Cik mi tio kude
  • Cik mi Gwoko Lembamung'a
  • Paramètres de confidentialité
  • JW.ORG
  • Mondi
Ore ni ng'atini