Zaburi
Wer p’Asaf.
79 E Mungu, thek gimondo i giralaga peri;
Gicido hekalu peri ma leng’;
Gidwoko Yeruzalem udoko ni uvuru.
2 Gimiyo avuj jutic peri ni cam ni winyo mi kor polo
Man ring jumaleng’ peri ni yedi mi lum.
3 Gicwiro rimbgi calu pii i ng’et Yeruzalem,
Man ng’atu moko acel de mbe m’udong’ ma copo kunyogi.
4 Wadoko ni jamcac ni judhugola mwa;
Ju ma gidhokowa gibenywaruwa man gibeng’ierowa.
5 Ng’eicwiny bimeki nitundo awene, E Yehova? Nyo pi rondo ku rondo?
Kwinyo peri biliel calu mac nitundo awene?
6 Konj kwinyo peri iwi thek ma ging’eyi ngo
Man iwi ker ma gilwong’o ngo nyingi.
7 Kum gimvoro Yakobo
Man gidwoko ng’om pare ni uvuru.
8 Kud iketh kosa pa kwaruwa i wiwa.
Tim iwa kisa nyapio pio,
Kum julorowa piny dit.
10 Pirang’o thek giwac kumae: “Mungu migi ni kani?”
Wek wanen nia kwor m’ibiculo
Pi rimb jutic peri ma jucwiro bing’eyere awene i kind thek.
11 Dong’ winj cur ma ng’atu ma jutwiyo ubecur ko.
Tii ku tego* peri ma dit pi nigwoko* ju ma jung’olo tho* i wigi.
12 Cul ni judhugola mwa wang’ abiro
Pi cac ma giceyi ko, E Yehova.
13 E wan, ma wa dhanu peri man udul lim mi dwol peri,
Wabidwoko iri foyofoc rondo ku rondo;
Man wabiyero pi pak peri niai i kum dhanu m’utuk cil i kum dhanu m’utuk.