Isaya
4 I nindo maeca, mon abiro bimaku nico acel kii man gibiwacu kumae:
“Wabicamu cam* mwa,
Wabikendo de kendi mwa;
Wek walwong’ara ndhu ku nyingi kende ci,
Pi nikabu lewic* m’i wiwa.”
2 I nindo maeca, gin ma Yehova biketho biluk bibedo leng’ man dwong’; piny ma bicek i ng’ombe bibedo yung man leng’o ni Juisrael ma biboth. 3 Ku ba dhanu ceke ma bidong’ i Sayuni man ma jubiweko i Yeruzalem, jubilwong’e nia ng’atu ma leng’, niwacu dhanu ceke ma n’i Yeruzalem ma jukiewo nying’gi pi kwo.
4 Kinde ma Yehova bilwoko cilo mi* Nyisayuni, man ebilwoko rimo m’ucwir i die Yeruzalem ku tipo mi pokolembe man ku tipo mi wang’u* piny, 5 iwi Got Sayuni zoo man iwi kabedone mi coko ma dongo, Yehova bicwiyo bende afuru ku yiro dieceng’ man der mi mac m’ubeliel ku diewor, kum tipo biumo wi dwong’ne ceke. 6 Man otbak bibedo nuti pi nimiyo tipo pi lietho mi dieceng’, man ni kapondo ku kagwok i kum avuvu man koth.