KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb wic 83 mba. 194-mba. 195 udu. 1
  • Yesu unyayu cam ni dhanu elufu ma lee

Thenge maeni umbe ku video.

Tim kisa, kosa moko uwok rek.

  • Yesu unyayu cam ni dhanu elufu ma lee
  • Nwang’ ponji niai kud i kpawa mi Biblia
  • Lembe mange m'urombo ku maeni
  • Yesu unyayu rec ario ku mukati abic ni dhanu dupa
    Yesu en e yo, lemandha, man kwo
  • Ponji ma wacopo nwang’u i kum udu ma Yesu unyayu ko mukathi
    Otkur ma Wiw m’ubetwong’o pi Ker pa Yehova (Mi ponji)—2024
  • Cemo ma tokcen pa Yesu
    Nwang’ ponji niai kud i kpawa mi Biblia
  • Yesu uwotho iwi pii
    Nwang’ ponji niai kud i kpawa mi Biblia
Nen lembe mange m'utie
Nwang’ ponji niai kud i kpawa mi Biblia
lfb wic 83 mba. 194-mba. 195 udu. 1
Jukwenda gibepoko cam ni udul dhanu ma lee

PONJI MI 83

Yesu unyayu cam ni dhanu elufu ma lee

Tap i wang’ Kadhukuwijo mi oro 32 N.N.Y., jukwenda gigam giloko kud i tic mi lembanyong’a. Giol, e Yesu uketho giidho yei pi nicidho i Bethsaida, kara gicidh giyom kuca. Ento kinde ma yei udhingo nyiko i dhu wat, Yesu uneno dhanu elufu ma lee ubelubo tokgi. Kadok nwang’u Yesu ubino mito nia ebed kende ku jukwenda pare de, re ejolo dhanu ma ber. Ekeyo kum ju ma kumgi uberemo man ecaku ponjogi. Yesu uponjogi duu ku lembe iwi Ker pa Mungu. Kinde m’uthieno udhingo, jukwenda pare gibino i bang’e man giyero ire kumae: ‘Kec ubenego dhanu. Lalgi kara gicopo nwang’u piny moko ma giromo camu.’

Jalawobi moko ubemiyo katoko ma mukathi ku rec n’i iye i bang’ Yesu

Yesu uyero kumae: ‘Gimbe ku yeny mi cidho. Wumii igi gin ma giromo camu.’ Jukwenda gipenje kumae: ‘Ibemito nia wacidh wang’iew cam igi?’ Filipo ma tie acel m’i kind jukwenda uyero kumae: ‘Kadok nwang’u watie ku sente lee de, re wacopo ng’iewo ngo cam ma romo udul dhanu maeni.’

Yesu upenjogi kumae: ‘Watie ku cam rukani?’ Andrea udwoko ire kumae: ‘Watie ku lungu kwen abic ku rec ario ma thindho. Re eni kende copo romo ngo.’ Yesu uyero igi kumae: ‘Wukel lungu kwen ku recne i bang’a.’ Egam eyero ni dhanu nia gibed iwi lum man gicok dhoggi i ungu mi dhanu 50 man 100. Yesu ugam uting’o lungu kwen ku recne, eng’ayu wang’e i polo man erwo. I ng’eye, emiyo camne i cing’ jukwenda man jukwenda gipoke ni dhanu. Dhanu ma co elufu abic (5000) man jumamon kud awiya ceke gicamu nitundo giyeng’. I ng’eye, jukwenda gicoko donge m’udong’ pet kara piny moko acel de kud unyothere mananu. Donge m’udong’ne upong’o katoko 12 bik! Ma jiji mbe, eno ubino udu ma yerere ngo!

Dhanu uzungo lembe maeno lee dit, uketho gimito giketh Yesu ni ubimo migi. Ento Yesu ung’eyo nia eno tie ngo saa ma Yehova ubemito edok iye ubimo. Pieno, elalu udul dhanu man eyero ni jukwenda pare nia gikadh loka nam mi Galilaya. E giidho yei migi man Yesu ke ucidho pare iwi got eni kende. Pirang’o? Pilembe ebemito erwo i bang’ Won. Kadok nwang’u Yesu ubino ku lembe dupa m’ukwayu etim de, re ebed ekoyo saa mi rwo.

“Kud wutim tic pi cam ma nyothere, ento wutim pi cam ma bedo pi kwo ma rondo ku rondo ma Wod dhanu bimiyo iwu.”​—Yohana 6:27

Penji: Yesu unyutho nenedi nia ebedieng’ ku dhanu? Lembuno ubemiyo iwa ponji ma kani iwi Yehova?

Matayo 14:14-22; Luka 9:10-17; Yohana 6:1-15

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini