KAPANG BUKU YAMU Watchtower
Watchtower
KAPANG BUKU I YAMU
Alur
  • BIBLIA
  • GIRASOMA
  • COKO
  • lfb wic 81 mba. 190-mba. 191 udu. 2
  • Ponji ma wi got

Thenge maeni umbe ku video.

Tim kisa, kosa moko uwok rek.

  • Ponji ma wi got
  • Nwang’ ponji niai kud i kpawa mi Biblia
  • Lembe mange m'urombo ku maeni
  • “Alwong’owu jurimo”
    Otkur ma Wiw m’Ubetwong’o pi Ker pa Yehova (Mi ponji)—2020
  • Ponji ma wi got ma pire yik akeca
    Yesu en e yo, lemandha, man kwo
  • Mediri nibedo ceng’ni ku Yehova
    Biblia ubeponjowa ku lembang’o?
  • “Wubin i bang’a . . . man abimio iwu yom”
    Otkur ma Wiw m’Ubetwong’o pi Ker pa Yehova (Mi ponji)—2019
Nen lembe mange m'utie
Nwang’ ponji niai kud i kpawa mi Biblia
lfb wic 81 mba. 190-mba. 191 udu. 2
Yesu ubemiyo ponji iwi got ni udul dhanu ma lee

PONJI MI 81

Ponji ma wi got

I ng’ey ma Yesu ung’iyo jukwenda 12, eloro ku wi got nitundo kaka m’udul dhanu ucoko dhoggi i iye. Udul dhanu maeno giai kud i Galilaya, Yudea, Turo, Sidon, Siria man loka kulo Yordan. Gikelo dhanu m’ubesendiri ku kit twoyo ma tung’ tung’ man jumoko ma pajogi ubesendo. E Yesu ukeyo kumgi ceke. I ng’eye, ebedo i ng’om iwi got keca man ecaku ponjogi. Ekoro gin ma wacikara nitimo tek wamito wabed jurimb Mungu. Wacikara ning’eyo nia watie ku yeny pa Yehova man ukwayu waponj nimare. Ento wacopo ngo nimaru Mungu tekene wamaru ngo dhanu mange. Wacikara nibedo dhanu ma ber man m’atira ni ng’atu moko ci, kadok ni judegi mwa bende.

Yesu uyero kumae: ‘Kud wujik nimaru kende kende jurimbwu. Ukwayu bende wumar judegi mwu man wutim kisa ni jumange kud adundewu ceke. Tek lembe moko unyothere i kindwu ku ng’atu moko, cidh i bang’e ndhu ndhu man wuyik kindwu. Tim ni jumange gin ma in de ibemito gitim iri.’

Yesu ubemiyo ponji iwi got ni udul dhanu ma lee

Yesu umiyo bende juk ma cuu ni dhanu iwi giki mi kum. Eyero kumae: ‘Nibedo jarimb Yehova utie lembe ma pire tek nisagu nibedo ku sente lee. Jakwo copo kwalu sente peri, ento ng’atu moko mbe ma copo kwalu winjiri peri ku Yehova. Kud wudieng’ pi gin ma wubicamu, ma wubimadhu kunoke ma wubikendo. Wunen winyo. Mungu miyo igi cam saa ceke. Adieng’acwiny copo medo ngo kwo mwu kadok pi nindo acel de. Wupoy nia Yehova ung’eyo gin ma wutie ku yenyne.’

Nwang’u fodi udul dhanu maeno giwinjo ngo nyanok de ng’atu moko ubeweco i ayi ma Yesu uweco ko. Judong dini migi ubed uponjogi ngo ku lembe maeno. Pirang’o Yesu ubino japonji ma dit kumeno? Pilembe gin ceke m’ebed eponjo uai i bang’ Yehova.

“Wuting’ mberembere para i wiwu man wunwang’ ponji i bang’a, kum an a mol man a yoo de i adunde, e wubinwang’u yom.”​—Matayo 11:29

Penji: Wacikara nitimo ang’o kara wabed jurimb Yehova? Yehova ubemito wakwo ku jumange nenedi?

Matayo 4:24–5:48; 6:19-34; 7:28, 29; Luka 6:17-31

    Girasoma mi dhu Alur (1993-2026)
    Woki
    Mondi
    • Alur
    • Ore ni ng'atini
    • Lembe m'imaru
    • Copyright © 2025 Watch Tower Bible and Tract Society of Pennsylvania
    • Cik mi tio kude
    • Cik mi Gwoko Lembamung'a
    • Paramètres de confidentialité
    • JW.ORG
    • Mondi
    Ore ni ng'atini