Ponjgi gimediri asu nitimo ni Yehova

Ubenen nia jarwei lembanyong’a manyen ma jutendo maber nibedo kud amora i tic mi lembanyong’a niai i acaki, doko ni jarwei ma jugeno. (Rie 22:6; Flp 3:16) Lembe moko ma nwang’ere piny e copo nikonyi kara ikony ng’atu m’ibeponjo kude Biblia udok jarwei ma jugeno i tic mi rweyo lembanyong’a:

• Kinde ma ng’atu m’iponjo kude Biblia udoko jarwei tap ci, cak nitende i tic. (km 8/15 mba. 1) Konye enyang’ nia nibedo ku ng’io mi rweyo lembanyong’a kubang’ yenga pire tie tek. (Flp 1:10) Bed iwec maber pi dhanu mi kabedo m’irweyo i ie lembanyong’a. (Flp 4:8) Mii amora ikume erwei ku jaliew mir ungu mi rweyo lembanyong’a man ku jurwei mange bende kara enwang’ bodho ibang’gi.​—Rie 1:5; km-F 10/12 mba. 6 udu. 3

  

• Ing’ei maku batizo pare, mediri asu nimio amora ikume, man nitende i tic mi rweyo lembanyong’a, asagane ka nwang’u fodi edaru ngo niponjo buku “Mer pa Mungu.”​—km-F 12/13 mba. 7

  

• Tii kud ayi ma yot mi caku wec kinde m’iberweyo lembanyong’a karacelo ku jarwei manyen. Ing’ei m’iwinjo kite m’ecaku kudo wec ku ng’atini, foye lee mandha. Mii ire paru ma copo konye kara edok ni jarwei ma jucopo geno.​—km-F 5/10 mba. 7