KWO MI JUKRISTU

Pi niketho dhanu dok julub, pire tie tek nirweyo igi man niponjogi

Yesu ung’olo ni julub pare nia gicidh giketh dhanu dok julub. (Mt 28:19) Tic maeno uketho i ie nirweyo igi man niponjogi. Pieno, ubekwayu ng’atuman m’i kindwa ubed upenjere kumae: ‘Acopo medo bodho para nenedi i lembe ario maeno m’uneno tic mi ketho dhanu dok julub?

WARWEI

Kakare nibekuro nia dhanu re m’ubin i bang’wa, wacikara niyenyo kud amora dhanu ma giromo. (Mt 10:11) Kinde ma waberweyo lembanyong’a, nyo wabed watio ku kaka ceke m’unen iwa pi niweco ku ‘ju ma warombo kugi’? (Tic 17:17) Ludia udoko jalub pa Kristu pilembe jakwenda Paulo ucidh urweyo ni dhanu kud amora.—Tic 16:13-15.

Samuel ubemio gazeti ni Ezekiel; Solomon giku Mary giberweyo ni Ezekiel gikud Abigail — “Kugweno coi kodhi peri man uthieno kud icer cingi” (Ek 11:6)

NEN VIDEO MA THIWIE TIE WAMEDARA NIRWEYO ‘M’UMBE NIWEKO’—I SAA MA JUPANGU NGO MAN OT KUBANG’ OT, MAN I NG’EYE, DWOK WANG’ PENJI M’ULUBO E:

Samuel unyutho nenedi i tic pare ma nja nia ebeyenyo kud amora nicoyo kodhi mi lemandha?
Pirang’o ubekwayu wamedara nirweyo lembanyong’a i ayi ceke?
Icopo rweyo lembanyong’a ni ng’a i lembe m’ibed itimo kubang’ ceng’?

WAPONJI

Pi niketho dhanu dok julub, wacikara ngo kende kende niweko igi girasoma. Ento wacikara bende nidok liewogi man nitelo wi ponji migi mi Biblia kara gitim mediri i thenge mi tipo. (1Ko 3:6-9) Ka nyo wabeii niponjo lemandha mi Ker ni ng’atini, re wabeneno nia ebetimo ngo alokaloka ke? (Mt 13:19-22) Ubekwayu wamedara niyenyo dhanu m’adundegi tie ve “ng’om ma ber.”—Mt 13:23; Tic 13:48.

Solomon giku Mary gibetelo wi ponji mi Biblia pa Ezekiel gikud Abigail; Ezekiel gikud Abigail gibedikiri i tic mi rweyo lembanyong’a kaka ma dhanu bepong’ i ie — “Apidho, Apolo ke kwoyo pi; ento nyai m’enyai ko Mungu mio en” (1Ko 3:6)

NEN VIDEO MA THIWIE TIE WAMEDARA NIRWEYO ‘M’UMBE NIWEKO’—KAKA MA DHANU BEPONG’ I IE MAN WAKETH DHANU GIDOK JULUB, MAN I NG’EYE, DWOK WANG’ PENJI M’ULUBO E:

Salomon giku Mary ma dhaku pare gikwoyo pii nenedi iwi lemandha m’ubino i adunde pa Ezekiel gikud Abigail?
I ayi ceke ma wabed warweyo ko lembanyong’a, uketho i ie nirweyo kaka ma dhanu bepong’ i ie, wacikara nibedo ku lembakeca ma kani?
Wacopo nyutho nenedi nia wabemiara zoo i tic mi ponjo lemandha ni dhanu?