Yehova bimio iri tegocwiny

Kan itie i darasa, nyo ibed ilworo ninyuthiri nia itie Jamulembe pa Yehova man ibed ilworo nirweyo lembanyong’a? Ka kumeno, icopo nwang’u tegocwiny nenedi kara ikor lembe m’ing’eyo iwi Yehova ni jumange? (1Ts 2:2) Pirang’o ukwayu itim kumeno? I ng’ei neno video ma thiwie tie Yehova bimio iri tegocwiny, wudwok wang’ penji m’ulubo e:

1. 

   Lapor ma kani mi Biblia m’ukonyo Sofia ninwang’u tegocwiny?

2. Thier mi juruot ukonyo Sofia nenedi?

3. Pirang’o icikiri nirweyo ni awiya wedu mi darasa?

4. Kadok ibesomo ngo, video maeni copo mio iri ponji ma kani?