Lembe pa Mungu pire tek lee i ii i mukero ma rukani?

Biblia utie ku paru man wec pa Yehova Mungu, m’utie Won bukune. (2Pe 1:20, 21) Nwoc ma Biblia uketho iwi twero mi bimobim pa Mungu nikum Ker pare, umio genogen ni thek dhanu ceke nia ceng’ini eni dhanu bikwo ma ber iwi ng’om. Biblia unyutho bende ka maleng’ kite ma beco mi mer pa Yehova, Wegwa mi polo.​—Zb 86:15.

Lembe pa Yehova pire tek ni ng’atuman m’i kindwa pi thelembe ma tung’ tung’. Nyo wanyutho nia andha pire tie tek i iwa nikadhu kud i som ma wasome ko nja man watio ku lembe ma wasomone i kwo mwa? Wek timo mwa unyuth nia wan bende watie ku pidoic ma rom ku pa jagor Zaburi m’uwacu kumae: “Amaru cik peri mire ma!”​—Zb 119:97.

NEN VIDEO MA THIWIE TIE PI BIBLIA UBINO TEK I IGI​—THENGE (WILLIAM TYNDALE), MAN I NG’EYE DWOK WANG’ PENJI MA E:

• 

  Pirang’o William Tyndale uloko ng’et Biblia moko?

• Pirang’o kero m’etimo mi loko Biblia ubino lembe ma wang’u ijo?

• Biblia ma Tyndale uloko umondo nenedi i ng’om mir Angleterre i yo mi kwo?

• Ng’atuman m’i kindwa copo nyutho nenedi nia Lembe pa Mungu pire tek lee i ie?