Cindi Buku mi coko mi Kwo man tic

YENGA MI NINDO 4-10, DWI MIR 11

LONYO MA NWANG’ERE I LEMBE PA MUNGU | 1 YOHANA 1-5

“Kud wumar ng’om, kadok gin ma ni i ng’om”

(1 Yohana 2:15, 16) Kud wumar ng’om, kadok gin ma ni i ng’om. Tek ng’atu moko maru ng’om, nwang’u mer pa Mungu mbe i ie. ¹⁶ Kum ceke ma ni i ng’om, awanya ma rac mi kum kud awanya ma rac mi wang’ kud ayunga mi kwo maeni, en e pa Wego ngo, ento en e mi ng’om.

w05-F 1/1 mba. 10 udu. 13

Mediri nilubo lapor ma Yesu uweko

¹³ Dhanu moko copo wacu nia piny moko mi ng’om tie rac ungo. Re kadok kumeno de, ng’om ku giki m’i ie copo wingo wiwa yot yot i kum timo ni Yehova. Kum gin ma ng’om ubewodho, tie ngo pi niketho wacor ceng’ini ku Mungu. Pieno, tek wabemaru asu piny mi ng’om maeni, kadok piny ma copo nen ve nia gi rac ungo de, eno nwang’u wani i ariti. (1 Timoteo 6:9, 10) I thenge ma kucelo, piny ma pol mi ng’om gi rac man gicopo nyothowa. Ku lapor, ka wabed waneno filme kunoke program mi televizio m’unyutho lembe mi rop, lembsasa mi tarwang’ kunoke sayu giki mi kum, wacopo caku yiogi, man gicopo telowa. Bende, tek wabed wadikara akeca ku dhanu m’utimo kero migi zoo kara gikwo kwo mi nivo ma malu man gidok julonyo, wan de piny maeno pigi copo doko tek i iwa nisagu.​—Matayo 6:24; 1 Jukorinto 15:33.

(1 Yohana 2:17) Man ng’om ubekadhu woko kud awanya ma racne de: ento ng’atu m’utimo yeny ma Mungu yenyo bedo rondo ku rondo.

w13-F 15/8 mba. 27 udu. 18

Ukwayu wabed dhanu ma nenedi?

¹⁸ Lembe mange ma copo konyowa kara wacerara i kum “gin ma ni i ng’om” utie lembe ma jakwenda Yohana ukiewo ku kony mi tipo maleng’; ekiewo kumae: “Ng’om ubekadhu woko kud awanya ma racne de: ento ng’atu m’utimo yeny ma Mungu yenyo bedo rondo ku rondo.” (1 Yohana 2:17) Ng’om pa Sitani nen nia ve ebibedo mi nja. Re nindo acel kende ci, ajiki pare bitundo. Gin moko mbe mi ng’om pa Sitani ma bibedo mi nja. Tek wabewil ungo ku lembuno, eno bikonyowa kara kud wapodh i awic pa Wonabali.

Wagol lonyo mi tipo i Lembagora

(1 Yohana 2:7, 8) Jumer, agoro iwu cik ma nyen ungo, ento cik ma con ma wubedo ko ugambre ku kwong’a: cik ma con en e lembe ma wuwinjo. ⁸ Kendo, agoro iwu cik ma nyen, ma ginde andha i ie man i iwu; kum mudho bekadhu woko, der mandha de berieny kawono.

w13-F 15/9 mba. 10 udu. 14

“Cik pa Yehova en e cuu”

¹⁴ Lembagora mi Jugiriki mi Jukristu upong’ ku poyowic dupa m’ubecwaluwa wamarara i kindwa. Ku lapor, Yesu uyero nia cik mir ario ma dit m’usagu zoo utie m’uwacu nia “mar wedu calu in giri.” (Mat. 22:39) Yakobo m’umin Yesu ulwong’o mer nia “cik mi ker.” (Yak. 2:8) Jakwenda Yohana ukiewo kumae: “Jumer, agoro iwu cik ma nyen ungo, ento cik ma con ma wubedo ko ugambre ku kwong’a.” (1 Yoh. 2:7, 8) Yohana ubino weco iwi ang’o kinde m’ewacu nia “cik ma con”? Ebino weco iwi cik mi mer. Ebino “cik ma con” pilembe Yesu ular umie oro ma dupa i wang’e. Ebino bende cik “ma nyen” pilembe ugam ukwayu julub ginyuth mer ma jumiiri ko pi jumange, man kwayu ginyuth merne kinde ma gibekadhu kud i peko moko ci ma copo wok. Calu watie julub pa Kristu, wabefoyo ku juk maeno m’ubekonyowa kara kud wadieng’ kwa piwa giwa ve dhanu mi ng’om, kum pidoic maeno copo cerowa ku maru jumange.

(1 Yohana 5:16, 17) Tek ng’atu moko neno umin ubedubo dubo ma mi tho ngo, ebikwayu, man Mungu bimio ire kwo pi ju m’udubo ma mi tho ngo. Dubo nuti ma mi tho: awacu ngo nia ekwai pi maeni. ¹⁷ Gondri ceke ci en e dubo: dubo nuti ma mi tho ngo.

it-2-F mba. 491 udu. 1

Rucoruc mi dubo

Etie ber nikwayu Mungu uwek dubo mi jumange, kadok mi cokiri zoo de. Musa ugam utimo kumeno pi thek mir Israel; ekwayu Yehova uwek dubo mi nyithindho mir Israel zoo, man Yehova uwinjo kwac pare. (Wl 14:19, 20) Bende, kinde ma Suleman ubino rwo i saa mi thiero hekalu, ekwayu Yehova nia tek dhanu pare dubo man giweko timo ma reco, etim igi kisa. (1Ub 8:30, 33-40, 46-52) M’umedo maeno, Ezra de ukwayu kisa pi dubo mi Juyahudi m’udwogo i ng’om ma thugi. Rwo pare m’uai kud i adunde uketho dhanu umaku yub mi timo lembe m’ukwayere kara Yehova uwek dubo migi. (Ezr 9:13–10:4, 10-19, 44) Yakobo uketho cwiny ng’atu m’uberemo i thenge mi tipo nia elwong’ judong cokiri girwo pire, man “tek edubo lembe moko, jubiweko pire woko ire.” (Yk 5:14-16) Ento ‘dubo moko nuti ma mi tho,’ niwacu nidubo i kum tipo maleng’; dubo maeno ma jutimo akakaka copo wekere ngo. Jakristu ucikere ngo nirwo pi ju m’utimo dubo ma kumeno.​—1Yh 5:16; Mt 12:31; Eb 10:26, 27; nen thiwiwec DUBO, 1; TIPO.

YENGA MI NINDO 11-17, DWI MIR 11

LONYO MA NWANG’ERE I LEMBE PA MUNGU | 2 YOHANA 1–YUDA

“Ukwayu waii aiia kara wabed i lemandha”

(Yuda 3) Jumer, kinde m’abeponjo k’amora ya agor iwu pi both mwa ma wan ceke waribra i ie karacelo, e ia wacu ya akoagor iwu be m’abethoko kowu ya wuii aiia pi yioyic ma jumio wang’ acel pil ni jumaleng’.

w04-F 15/9 mba. 11-12 udu. 8-9

‘Wumeduru ninwang’u tego i Rwoth’

⁸ Wang’eyo bodho pa Sitani, kum Lembagora unyutho iwa bodho ma dongo dongo m’ebed etio ko. (2 Jukorinto 2:11) Ku lapor, Wonabali unyotho jamcing Yob zoo, enego awiya pare, ecwalu dhaku pare ujai i kume, enyayu remo i kume, man etio ku jurimo ma reco pi ninyware. Peko maenogi uketho cwiny Yob utur, man ecaku paru nia Mungu uwenje. (Yob 10:1, 2) Kadok peko ceke Sitani ubenyayu ngo en de, re Jukristu ma dupa gibekadhu kud i kit peko ma Yob unwang’ere ko, man Wonabali copo tio ku pekone pi nituro cwinygi.

⁹ I nindo maeni mi kajik ceng’, lembe tie dupa ma copo kwiowa i thenge mi tipo. Wabekwo i ng’om ma dhanu ma pol gisayu giki mi kum kakare nibedo ku lembakeca mi tipo. Bende video, filme, televizio ku giranena mange benyutho timo mi tarwang’ ni gin ma rac ungo, ento ma nyayu anyong’a kwa. M’umedo maeno, dhanu ma pol tin “gimaru migi anyong’a mananu ma sagu mer ma gimaru ko Mungu.” (2 Timoteo 3:1-5) Dong’ ka wabeii ngo aiia pi yioyic mwa, pidoic ma kumeno copo kwiowa i thenge mi tipo.​—Yuda 3.

Wagol lonyo mi tipo i Lembagora

(Yuda 4) Kum jumoko nuti ma gimondo nyalwe, gi ju ma yang’ jular jugoro pigi ni gonj maeni ma jugonjo kojo, gi ju ma ayi Mungu mbe i kumgi, ma giloko bero pa Mungu mwa ni awanya ma rac, ma gikwero ko Jadit mwa ma acel kende ma Rwoth, Yesu Kristu.

(Yuda 12) Joni gi kidi m’upandre i cemo mi mer mu kinde ma wucamu wukugi, gi jukwac ma kakri gigi ma lworo mbe kugi; gin afuru ma pi mbe i igi, ma yamu cidho kudo; gi yen mi oro ma nyinge mbe, m’utho wang’ ario, ma jufudho woko kud ulage;

it-1-F mba. 879

Cemo mi mer

Biblia ukoro ngo pi cemo maeno mi mer man enyutho ngo ka nyo jubed jutime thiri thiri kunoke ngo. (Yd 12) Rwoth Yesu umio ngo cik iwi lembene man jukwenda bende; pieno, ubenen nia ve ebino ngo ni cik. Jumoko yero nia ebino yore ma Jukristu ma jamcing’gi nuti gibed gipangu ko nambu man gibed gilwong’o ko bende Jukristu wagi ma jucan. Man nia i saa maeno, nyithikic, montho, julonyo man ju ma jamcing’gi nok gibed gicamu karacelo kud umego ku nyimego migi mi tipo.

it-2-F mba. 805

Kidi

Wec mange mi dhu Jugiriki spilas, nyutho kidi ma dit kunoke cana m’ukanere i the pii. Yuda utio ku wec maeno kinde m’ebeweco pi dhanu moko m’ugam umondo nyalwe i cokiri mi Jukristu ku lembakeca ma cuu ngo. Tap calu ma cana m’ukanere i the pii utie ariti ni yeyi kunoke ni meli, kumeno bende dhanu maeno gibino ni ariti ni jumange i cokiri. Yuda uyero pigi kumae: “Joni gi kidi m’upandre i cemo mi mer mu kinde ma wucamu wukugi.”​—Yd 12.

(Yuda 14, 15) Man Enok bende, ma ng’atu mir abirone yo ng’ei Adamu, eewo ni joni, ewacu kumae, Nen, Rwoth ubino ku jupare ma leng’ rubanga apar, ¹⁵ nipoko lembe wi ceke, man nipoko lembe wi ju ma ayi Mungu mbe kugi ceke kum tic migi ceke ma ayi Mungu mbe i kume, ma gitimo ma ayi Mungu mbe ko, man pi gin ma tek ceke ma judubo ma ayi Mungu mbe i kumgi giyero pire.

wp17.1-F mba. 12 udu. 1

‘Enyayu mutoro i Mungu’

Lembila ma Enok uewo ubino ang’o? Ubino lembila ma e: “Nen, Rwoth ubino ku jupare ma leng’ rubanga apar, nipoko lembe wi ceke, man nipoko lembe wi ju ma ayi Mungu mbe kugi ceke kum tic migi ceke ma ayi Mungu mbe i kume, ma gitimo ma ayi Mungu mbe ko, man pi gin ma tek ceke ma judubo ma ayi Mungu mbe i kumgi giyero pire.” (Yuda 14, 15) Lembe mi kwong’o ma wabeneno utie nia Enok uweco pi lembe mi nindo m’ubino ve dong’ ya Mungu udaru pong’e. Jubila mange de dupa i ng’eye gibed giewo kumeno. Eno ubenyutho nia cwiny jubilane ubino tek nia lembene bitimere andha, uketho gikoro pire ve dong’ edaru timere!​—Isaya 46:10.

wp17.1-F mba. 12 udu. 3

‘Enyayu mutoro i Mungu’

Yioyic pa Enok copo ketho wapenjara ka nyo wan de wabeneno ng’om maeni ma wakwo i ie calu ma Mungu de ubenene ko. Pokolembe ma Enok uewo ku tegocwinye umulo bende kum ng’om ma wakwo i ie tin. Nimakere ku lembe ma Enok utwong’o, Yehova ukelo pii ma dit m’uumo ng’om i rundi pa Noa man m’unyotho dhanu ma wore ngo. Nyoth maeno ubedo ni lapor mi nyoth ma Mungu bikelo i nindo m’ubino. (Matayo 24:38, 39; 2 Petro 2:4-6) Tin bende Mungu tie ayika karacelo ku jumalaika pare ma wendgi kwanere ngo, pi nikelo pokolembe ma pwe iwi dhanu ma gibewore ngo. Pieno ng’atuman m’i kindwa mito ngo unen lembila ma Enok utwong’o ku tuko, man ukwayu wanyuth pire ni dhanu mange bende. Saa moko nyo wedi mwa man jurimbwa gicopo wenjowa. Eno copo ketho wanwang’ara ve watie kendwa. Ento Yehova uweko ngo Enok nyanok de, man wan de ebiwekowa ngo tek wagwoko bedoleng’ mwa ire!

YENGA MI NINDO 18-24, DWI MIR 11

LONYO MA NWANG’ERE I LEMBE PA MUNGU | LEMBANYUTHA 1-3

“Ang’eyo tic peri”

(Lembanyutha 1:20) giramung’a mi cero abiro m’ineno i cinga ma yor acwic, man mi thethala abiro mi mola ma kwar. Cero abirone gi malaika mi kanisa abiro: man thethala abirone gi kanisa abiro.

w12-F 15/10 mba. 14 udu. 8

Ibed inyutho kit pidoic ma nenedi?

⁸ Kara kud wabed ku pidoic maeno, ukwayu wapoi nia Biblia ukoro pi Yesu nia “cero abiro ni i cinge ma yor acwic.” “Cero” maeno ubenyutho judong cokiri ma juwiro ku tipo, man bende judong cokiri mange ceke. Yesu copo telo wi “cero” maeno ma ni cinge i ayi moko ci m’eneno nia tie cuu. (Nyu. 1:16, 20) Pieno, calu Yesu tie Wic mi cokiri mi Jukristu, guriri mi judong cokiri ceke ni the telowic pare man etie ku copo i wigi. Dong’ ka jadit cokiri moko utie ku yeny mi twiny, Yesu ma ‘nying wang’e ve lebmac,’ neno man etwinye i saane man i ayi m’ukwayere. (Nyu. 1:14) Ento ma fodi etwinye ngo, ukwayu wanyuth woro ni dhanu maeno ma tipo maleng’ ung’io, pilembe Paulo ukiewo kumae: “Wuwor ju ma gibimo wiwu, wumond igi de: kum gikuro kum ng’eyong’ec mu calu ju ma biwodho wel; kara gitim maeni ku mutoro, ku can re ngo: kum maeni kuloka ngo iwu.”​—Ebr. 13:17.

(Lembanyutha 2:1, 2) Ni malaika mi kanisa ma ni i Efeso kieu kumae: Ng’atu m’umaku cero abiro i cinge ma yor acwic, en e ng’atu m’uwotho i kind thethala abiro mi mola ma kwar ewacu gin maeni kumae: ² Ang’eyo tic peri, ku tic m’imuli kudo man twiocwiny peri, man nia bedo ku dhanu ma rac copre iri ngo, man imulo i ju ma gilwongri gigi jukwenda, enke gi kumeno ngo, man inwang’u nia gi jundra;

w12-F 15/4 mba. 29 udu. 11

Yehova ubegwokowa pi both

¹¹ I ginmawokiwang’ ma nwang’ere i Lembanyutha thek 2 kud 3, Yesu Kristu ubeliewo cokiri abiro ma ni i Asia ma nok. Ginmawokiwang’ maeno ubenyutho nia Yesu beneno ngo kende kende lembe ma dongo dongo m’ubekadhu i cokiri, ento eneno kadok lembe ma ng’ili ng’ili m’i ie bende. Saa moko, ekwanu kadok nying’ cokirine acel acel, man emio igi foyofoc ku juk m’ukwayere. Eno ubenyutho ang’o? Cokiri abiro unyutho Jukristu ma juwiro ku tipo i ng’ei oro 1914, man juk m’emio ni cokirine utie ku kony ni cokiri m’iwi ng’om zoo. Pieno, wacopo yero m’umbe jiji nia Yehova ubetelo wi dhanu pare nikadhu kud i ba Wode. Telowic maeno ubemio iwa bero ma kani?

w01-F 15/1 mba. 20-21 udu. 20

Mediri niwotho karacelo ku dilo pa Yehova

²⁰ Kara watuc niwotho karacelo ku dilo pa Yehova m’ubecidho i wang’e, ukwayu wang’ei dito ma Mungu mio ni Yesu Kristu, m’etie ko ‘wic mi cokiri.’ (Juefeso 5:22, 23) Isaya 55:4 uyero lembe mange m’ubetelo nen mwa; eyero kumae: “Nen, amie ni mulembe ni kodhidhanu, jatelwic man jego ni kodhidhanu.” M’umbe jiji, Yesu ung’eyo cuu ayi mi telo wijo. Eng’eyo bende rombe pare man yeny migi. Kinde m’ebino liewo cokiri abiro mir Asia ma nok, eyero wang’ abic zoo kumae: “Ang’eyo tic peri.” (Lembanyutha 2:2, 19; 3:1, 8, 15) Calu won ma Yehova, Yesu bende ng’eyo yeny mwa. I wang’ ninyutho kite ma julubne umaku girwo ko, ewacu kumae: “Wegwu ng’eyo gin ma cande benegowu, ma fodi wukupenje ngo.”​—Matayo 6:8-13.

Wagol lonyo mi tipo i Lembagora

(Lembanyutha 1:7) Nen, ebino kud afuru; man ku ba wang’ ceke binene, ku ju m’ucobe de; man thek ceke m’i ng’om biywak ire. Cil kumeno. Amen.

kr-F mba. 226 udu. 10

Ker pa Mungu binyotho judhoge ceke

¹⁰ Pokolembe. Mito ku mito ngo, judegi ceke mi Ker pa Mungu gibineno lembe moko ma binyayu ndiri lee i igi. Yesu uyero kumae: “Gibineno Wod dhanu bebino i afuru ku tego ma dit ku dwong’ bende.” (Marko 13:26) Lembe maeno binyutho nia Yesu ubino nikelo pokolembe. I verse mange m’uweco pi kajik ceng’, Yesu ukoro lembe dupa iwi pokolembe ma jubing’olo saa maeno. Lembene nwang’ere i lembabola pare m’uweco iwi rombe ku diegi. (Som Matayo 25:31-33, 46.) Dhanu m’udiko cing’gi i kum Ker pa Mungu jubikwanugi ni “rombe” man ‘gibiting’o wigi malu,’ pilembe nwang’u ginyang’ nia ‘war migi dhingo ceng’ini.’ (Luka 21:28) Ento judegi mi Ker pa Mungu jubipoko lembe migi nia gitie “diegi” man ‘gibiywak,’ kum nwang’u “[nyoth] ma rondo ku rondo” ubekurogi.​—Matayo 24:30; Lembanyutha 1:7.

(Lembanyutha 2:7) Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i [Paradiso] pa Mungu.

w09-F 15/1 mba. 31 udu. 1

Lembe ma dongo dongo mi buku mi Lembanyutha​—Thenge mi 1

2:7​—‘Paradiso pa Mungu’ utie ang’o? Calu juyero wec maeni ni Jukristu ma juwiro ku tipo, paradiso maeni ubenyutho paradiso mi polo, niwacu ka ma Mungu bedo i ie en ku kume. Jukristu ma juwiro ku tipo ma gigwoko bedoleng’ migi gibinwang’u sukulia: gibicamu “kum yen mi kwo,” niwacu gibinwang’u kwo ma tho ngo.​—1 Kor. 15:53.

YENGA MI NINDO 25, DWI MIR 11–NINDO 1, DWI MIR 12

LONYO MA NWANG’ERE I LEMBE PA MUNGU | LEMBANYUTHA 4-6

“Dhanu ang’wen m’uberingo ku riuni”

(Lembanyutha 6:2) E aneno, man nen, riuni ma tar, man ng’atu m’ubedo i wie umaku atum; man jumio ire jamkermiwic: man ewok woko m’ebeloyo, man niloyo.

wp17.3-F mba. 4 udu. 3

Dhanu ang’wen m’uberingo ku riuni​—Gitie jukani?

Ng’atu m’uberingo ku riuni ma tar utie ng’a? Gin m’ukonyowa ninyang’ pire nwang’ere i buku ma rom mi Lembanyutha, m’unyutho nia ng’atu m’uringo ku riuni eno utie “Lembe pa Mungu.” (Lembanyutha 19:11-13) Yesu Kristu re ma jumio ire nying’ mi dito “Lembe,” pi kum etie Jakokwec pa Mungu. (Yohana 1:1, 14) M’umedo maeno, julwong’e bende “Ubimo mir ubimo, man Rwoth mi rwodhi.” Biblia ukoro bende nia etie “[Ngatu] mandha man Andha.” (Lembanyutha 19:16) Ubenen kamaleng’ nia Yesu ubetio ku dito pare calu ubimo m’ubetelo wi udulmony, man etio ngo ku tego pare i ayi ma rac kunoke kud abombi kadok nyanok de. Lembuno ubekelo penji moko.

wp17.3-F mba. 4 udu. 5

Dhanu ang’wen m’uberingo ku riuni​—Gitie jukani?

Ju m’uberingo ku riuni gicaku ng’wec migi awene? Poi nia ng’atu ma kwong’a m’i kindgi, niwacu Yesu, ucaku ng’wec pare kinde m’enwang’u jamkermiwic. (Lembanyutha 6:2) Yesu unwang’u jamkermiwic pi nidoko Ubimo awene? Edoko ngo Ubimo ndhu ndhu saa m’edok i polo i ng’ei tho pare. Biblia unyutho nia i ng’ei m’edok i polo, ekeekuro pi kare moko. (Juebrania 10:12, 13) Yesu ular unyutho ni julubne gin ma bikonyogi ning’eyo nia dong’ ecaku bimo i polo. Eyero nia saa m’ebicaku bimo tap ci, lembe binyothere magwei iwi ng’om. I kind lembene moko, ekwanu lwiny, ndru man thong’om. (Matayo 24:3, 7; Luka 21:10, 11) I ng’ei ma Lwiny mi kwong’o mi ng’om zoo utuk i oro 1914, unen kamaleng’ nia ng’om umondo i rundi ma rac ma Biblia ulwong’o nia ‘kajik ceng’.’​—2 Timoteo 3:1-5.

(Lembanyutha 6:4-6) E riuni mange ma kwar ngbo wok woko: man ni ng’atu m’ubedo i wie jumio ire ya ekab kwiocwiny kud i ng’om, man kara ginegri gigi: man jumio ire palamularu ma dit. ⁵ Man kan ealu ayi mir adege, awinjo yedi ma kwo mir adege wacu kumae, Bin inen. E aneno, man nen, riuni ma col; man ng’atu m’ubedo i wie mukero ni i cinge. ⁶ Man awinjo calu dwal uwacu kumae i kind yedi ma kwo ang’wen, Mukero mi nganu mi denarius, man nganu ma tung’ mukero adek mi denarius; man mo ku pigulok re kud wudubi.

wp17.3-F mba. 5 udu. 2

Dhanu ang’wen m’uberingo ku riuni​—Gitie jukani?

Ng’atu maeni m’uberingo ku riuni ubenyutho lwiny. Poi nia ebekabu kwiocwiny mi thek moko kende ngo, ento mi ng’om zoo. Oro 1914 ubino oro ma kwong’a ma lwiny utuk i ie iwi ng’om zoo. Lwiny mir ario m’udok ulube, ulund ukelo nyoth ma rac m’usagu. Jumoko wacu nia wend dhanu ceke m’utho i lwiny eno ku m’utimere niai i oro 1914, kadhu milioni 100! M’umedo maeno, dhanu ma wendgi lee ginwang’u ret m’uwekogi goru.

wp17.3-F mba. 5 udu. 4-5

Dhanu ang’wen m’uberingo ku riuni​—Gitie jukani?

“Aneno, man nen, riuni ma col; man ng’atu m’ubedo i wie mukero ni i cinge. Man awinjo calu dwal uwacu kumae i kind yedi ma kwo ang’wen, Mukero mi nganu mi denarius, man nganu ma tung’ mukero adek mi denarius; man mo ku pigulok re kud wudubi.”​—Lembanyutha 6:5, 6.

Ng’atu m’uringo ku riuni maeni ubenyutho ndru. Giragora eno unyutho pi kec ma ngolongolo m’upodho, uketho kilo 1 mi nganu jung’iewo ku sente mi denarius 1, ma i rundi ma kwong’a ubino cul pa ng’atu m’utimo tic bang’ acel duu! (Matayo 20:2) Wend sente ma rom ng’iewo kilo 3 mi kit nganune mange. Ka dong’ ot ma wend dhanu m’i ie lee ke gibinwang’u cam ma copo yeng’ogi nenedi? Jukwayu nia dhanu kud ginyoth cam swa, kadok cam ma kubang’ ceng’, ma juporo ku moo man pigulok, m’ubino cam ma pigi tek i rundi maeca.

(Lembanyutha 6:8) E aneno, man nen, riuni ma foo: man ng’atu m’ubedo i wie, nyinge Tho; man Hadeya de lubo ng’eye. Man jumio igi ng’ol wi ng’et ng’om mir ang’wende, ya gineg ku palamularu, ku ndru de, man ku thong’om, man ku yedi ma kwiny m’i ng’om.

wp17.3-F mba. 5 udu. 8-10

Dhanu ang’wen m’uberingo ku riuni​—Gitie jukani?

Ng’atu mir ang’wen m’ubringo ku riuni ubenyutho tho ma remo ku lembe mange ubenyayu. I ng’ei oro 1914, kit musisa moko ma julwong’o Grippe espagnole unego dhanu ma kadhu milioni 10. Copere ve musisane umaku dhanu ma romo milioni 500, niwacu iwi dhanu 3, ng’atu acel kokoro nwang’u utie kude!

Ento musisa eno ubino kende kende acaki. Jururieko ginwang’u nia twoyo ma julwong’o “undier” unego dhanu ma wendgi kadhu milioni dak acel niai i oro 1901 nitundo i oro 2000. Man nitundo tin eni, SIDA, aonda ma tek (tibi) man malaria udaru nego dhanu milioni ma lee, kadok nwang’u rieko mi yath ubemedere ameda de.

Lembuno ceke kelo matoke ma rom, niwacu tho. Man liel ung’amu dhoge man dhanu m’utho ubeyeng’e ngo, man ebemio ngo genogen nyanok de.

Wagol lonyo mi tipo i Lembagora

(Lembanyutha 4:4) E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

(Lembanyutha 4:6) man gin moko ni i wang’ komker, ma calu nam mi kieu ma nen va kidi ma ie pelele; man i kind komkerne, kud i ng’et komkerne de, yedi ma kwo ang’wen ma wang’gi romo kumgi ceke yor i wang’gi ku yor i ng’eigi bende.

re-F mba. 77 udu. 8

Leng’o mi komker mi polo pa Yehova

⁸ Yohana ung’eyo nia julam re ma Mungu gam uketho gibed gitimo tic i hema ma con mi cokiri. Pieno, copere ie wang’ lii kinde m’ebeneno lembe ma e m’ekoro: “Komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.” (Lembanyutha 4:4) Yohana uneno ngo julam, ento eneno judongo 24 re ma gibedo iwi komker man gikendo jamkermiwic i wigi calu jubim. Judongo maeno gitie jukani? Gitie Jukristu ma juwiro ku tipo ma gicer man ma ginwang’u dito ma Yehova ular ung’olo igi. Wang’eyo lembuno nenedi?

re-F mba. 80 udu. 19

Leng’o mi komker mi polo pa Yehova

¹⁹ Giracwia maeno gibenyutho ang’o? Ginmawokiwang’ moko ma jabila Ezekiel uneno ubekonyowa ninwang’u wang’ penji maeno. Ezekiel uneno Yehova ujany iwi komker iwi magali mi polo, man giracwia ma kwo gini ng’ete. Giracwiane urombo ku ma Yohana ukoro pigi. (Ezekiel 1:5-11, 22-28) I ng’eye, Ezekiel uneno magali eno kendo, ku giracwia ma kwo i ng’ete, man ekoro nia giracwiane gitie jukerubi. (Ezekiel 10:9-15) Pieno, giracwia ang’wen ma kwo ma Yohana uneno ubenyutho jukerubi pa Mungu, m’utie giracwia mi kabedo ma malu hai i dilo mi tipo pa Mungu. Copere nia saa ma Yohana uneno jukerubi eno gicungo i ng’et Yehova, ezungo ngo, pilembe i hema ma con mi cokiri de, jukerubi ma juyiko ku mola ma kwar ubino nuti iwi sanduku mi lembariba, m’ubino nyutho ka ma Yehova ni ie. Dwand Yehova ubed uwok tap kud i kind jukerubi eca, pi nimio cik ni thek mir Israel.​—Ai 25:22; Zaburi 80:1.

(Lembanyutha 5:5) man ng’atu acel ma kind judongo wacu ira kumae, Kud iywaki: nen, Umvor ma en e mi suru pa Yuda, Ulag Daudi, eloyo m’eyabu ko kitabune kud ayine abiro de.

cf-F mba. 36 udu. 5-6

‘Nen, Umvor mi suru pa Yuda’

⁵ Wang’ ma pol, jubed juweco pi lamvor pi ninyutho tegocwiny. Nyo idaru rombo ku thwon lamvor wang’ ku wang’? Kan idaru rombo kude, copere nia ubino kaka ma jubed jugwoko lei i ie, man gang’ ubino nuti i kindwu. Re kadok kumeno de, lworo unegi. Kinde ma weng’wu rombo ku lei maeno ma dit man ma won kero m’uberundo, icopo paru ngo nyanok de nia lworo benege man nia ecopo ringo piny moko. Biblia uyero nia ‘umvor tek ma sagu i kind yedi, man elokre woko ngo ni gin moko.’ (Lembrieko 30:30) Eno tap kit tegocwiny ma Yesu Kristu unyutho.

⁶ Wakenen ayi ma Yesu unyutho ko tegocwiny ma calu pa lamvor kinde m’ecero ba lemandha, emoko i kum bedopwe man eciro ragedo. Wabineno ayi ma wan de wacopo lubo ko lapor pa Yesu, kadok cwinywa tek con, kunoke ngo de.