Wamed bodho mwa i tic mi rweyo lembanyong’a​—Nirweyo lembanyong’a ku telefon

PIRANG’O PIRE TIE TEK: Nirweyo ku telefon, utie yo acel ma pire tek mi mio “lembatuca mi lembanyong’a.” (Tic 20:24)a Ekonywa nirweyo lembanyong’a ni ng’atini kinde ma nicidho i bang’e ku kumwa utie tek.

KITE MA JUROMO TIMO KO:

• 

  Yikiri. Ng’ii thiwiwec ma cuu, man pang’ lembe m’ikeco nia ibiyero. Icopo yiko bende wec moko ma nyaradundo ma bikonyi nikoro thelembe m’uketho ilwong’o ng’atu m’ugamu dhogi i telefon. Ecibedo ber nia ibed abeda i dhu meza ku wec peri m’iyoko, man ku jamtic mange m’itie ku yenyne, calu ve jamtic mir elektronik pi niketho JW Library^® kunoke jw.org^® ubed dong’ ayaba

• 

  Bed ma kumi kwio. Wec calu m’ibed iweco ko nja. Wec ku vonjo man tim jest calu ma nwang’u icopo timo ka ng’atune ubeneni. Kud ibed iling’ kaka m’ukwayu ngo iling’ i ie. Ecibedo ber nia kan iberweyo ku telefon, ibed ku jurwei mange de. Ka ng’atu m’iweco kude i telefon upenji penji moko, dok iwi penjine kendo ku dwendi ma tek, kara ng’atu ma wuberweyo kude ukonyi ninwang’u wang’ penjine

• 

  Weke ku wec moko ma romo ketho idok iliewe. Ka ng’atune ufoyo lembene, weke ku penji moko m’ibidwoko wang’e kinde m’ibilwong’e macen. Icopo oro ire girasoma moko nikadhu kud i mesaj kunoke icopo tere giri ku kumi. Kunoke icopo oro ire thiwiwec moko kunoke video nikadhu kud i mesaj kunoke e-mail. Kan ecopere, nyuth ire thiwiwec ma tung’ tung’ ma nwang’ere i kusika mwa mir Internet