KWO MI JUKRISTU
Nyo itie ayika nisomo Somo mi jurwei injili mi Ker?
Nyo oro peri tie niai 23 nitundo 65 man ibetimo tic mi saa ceke? Nyo itie ku leng’kum ma ber, man icopo timo kaka ma yeny mi jurwei lembanyong’a utie lee i ie? Kan idwoko wang’ penji maeno zoo nia eyo, nyo idaru paru nicisomo somo mi Jurwei injili mi Ker? Niai ma jucaku the somone, umego ku nyimego elufu swa ma gigamiri ku ma jumusuma gidaru somo somo maeno. Ento watie ku yeny mir umego ma jumusuma lee i somone. Kwai Yehova ukonyi imed ava peri mi timo yeny pare man mi lubo lapor pa Wode. (Zb 40:8; Mt 20:28; Eb 10:7) Man i ng’eye, jwig tic peri mi kum kunoke lembe mange kara weng’i udong’ thwolo pi somo somone.
Dhanu ma gisomo somo maeno, gicidh gitimo tic kakani? Jumoko juorogi kaka ma juweco ie dhok mange, kunoke nirweyo lembanyong’a kaka ma dhanu pong’ i ie i adhura ma dongo. Jumange i ng’eye, dok timo calu juliew ma jukony mi twodiri, juliew mi twodiri, kunoke calu jumisioner. Kan iparu pi lembe m’icopo timo i tic pa Yehova, saa moko nyo in de icopo wacu calu jabila Isaya kumae: “Anuti eni; ora”—Is 6:8.
NEN VIDEO MA THIWIE TIE JUMISIONER, GITIE JURUTIC MI MWOKA, MAN I NG’EYE, DWOK WANG’ PENJI M’ULUBO E:
Julondo ju ma gibitimo calu jumisioner nenedi?
Jumisioner gitimo tic ma ber ma kani?
Mugisa ma kani ma tic mi jumisioner mio?