Nyo icopo nipimo pi oro acel?

Nipimo ang’o? Nipimo tic pa jayab yo ma nja. Kepar pi mugisa ma lee m’ibinwang’u!​—Rie 10:22.

KAN IBETIMO TIC PA JAYAB YO MA NJA, ICOPO . . .

• ninwang’u bodho pi nibedo jayerlembe maber man icopo ninwang’u mutoro akeca i tic mi rweyo lembanyong’a

• nidwoko winjiri peri ku Yehova udok ma tek. Kan ibeyero pire saa ceke ni dhanu mange, ibipoi ikum kite pare ma tung’ tung’ ma wang’u ijo

• ninwang’u mutoro pilembe iketho yeny mi Ker iwang’ yeny peri giri man ibibedo kud anyong’a pilembe imiiri pi jumange.​—Mat 6:33; Tic 20:35

• nidikiri i coko mi juyab yo ma jaliew mi guriri betelo wie kan ebeliewo cokiri, i coko masegi mi juyab yo ma timere iwang’ coko madit mi guriri, man icopo bende nidikiri i Somo mi tic mi juyab yo

• nibedo ku kaka dupa pi nicaku man nitelo wi ponji mi Biblia

• nirweyo pi saa ma lee ku jurwei mange man icopo ninwang’u kony ikum wec mi kethocwiny ma wubeweco ikindwu.​—Rum 1:11, 12